影片
更多
2023-07-23
281 瀏覽
水雲蕃茄漬 $68作為一個前菜，味道酸酸甜甜，夏天食真係好開胃 蕃茄仔好鮮甜 北海道精選刺身 $528有墨魚、海膽、帶子、蚌、吞拿魚等等嘅刺身配埋紫菜，我地可以隨時跟心情口味自由配搭自己想食嘅。小編特別中意食嘅係吞拿魚接近入口即溶嘅甜美，海膽濃厚香滑嘅味道口感同埋呢墨魚煙煙韌韌嘅咬感配搭！食落非常有層次感又好滿足！！吞拿魚脆脆卷$128呢個小編就好推薦大家要試一試，佢嘅口感同味道都非常特別，最特別嘅係佢嘅醬汁，主要係由沙律醬同Tabasco 組成，冇錯係tabasco👍👍佢地夾埋嘅味道同飯卷意外地夾，Tabasco嘅酸會比沙律醬中和左，而醬汁保持沙律醬濃厚質感同時有甜甜辣辣嘅感覺，整體會輕盈好多，冇咁膩而且又幾開胃，表層仲有好多天婦羅碎碎，加埋飯卷上面嘅蟹籽令口感味道層次都直線上升！芝士玉子燒 $68呢個係小編非常中意食芝士玉子燒！拉曬芝嘅芝士，暖笠笠又超有層次嘅玉子燒點食都唔厭！沙錐魚天婦羅(二本) $44沙錐魚切開後沾上炸粉，呈白色，味道濃郁獨特由於肉質比較結實，非常適合用來黎做天婦羅吉列糖心蛋$35呢個同街外食嘅天婦羅蛋唔同，呢個吉列蛋佢嘅外層炸漿會比較暖笠笠有口感，配埋沙律醬食
作為一個前菜，味道酸酸甜甜，夏天食真係好開胃 蕃茄仔好鮮甜
北海道精選刺身 $528
有墨魚、海膽、帶子、蚌、吞拿魚等等嘅刺身配埋紫菜，我地可以隨時跟心情口味自由配搭自己想食嘅。小編特別中意食嘅係吞拿魚接近入口即溶嘅甜美，海膽濃厚香滑嘅味道口感同埋呢墨魚煙煙韌韌嘅咬感配搭！食落非常有層次感又好滿足！！
吞拿魚脆脆卷$128
呢個小編就好推薦大家要試一試，佢嘅口感同味道都非常特別，最特別嘅係佢嘅醬汁，主要係由沙律醬同Tabasco 組成，冇錯係tabasco👍👍佢地夾埋嘅味道同飯卷意外地夾，Tabasco嘅酸會比沙律醬中和左，而醬汁保持沙律醬濃厚質感同時有甜甜辣辣嘅感覺，整體會輕盈好多，冇咁膩而且又幾開胃，表層仲有好多天婦羅碎碎，加埋飯卷上面嘅蟹籽令口感味道層次都直線上升！
芝士玉子燒 $68
呢個係小編非常中意食芝士玉子燒！拉曬芝嘅芝士，暖笠笠又超有層次嘅玉子燒點食都唔厭！
沙錐魚天婦羅(二本) $44
沙錐魚切開後沾上炸粉，呈白色，味道濃郁獨特
由於肉質比較結實，非常適合用來黎做天婦羅
吉列糖心蛋$35
呢個同街外食嘅天婦羅蛋唔同，呢個吉列蛋佢嘅外層炸漿會比較暖笠笠有口感，配埋沙律醬食幾好食算係一個口感較清淡嘅間牆料理！
海膽汁燒廣島蠔$98
呢個真係另一個小編極力推薦大家要試嘅小食！海膽生食就非常濃厚香滑，打碎做醬燒熟就完全唔一樣！海膽嘅鹹、鮮、香味出曬黎！將蠔嘅鮮甜激發左出黎！海膽醬膽鐵板同時都好好做到保溫，令到蠔保持到熱辣辣香噴噴嘅口感！
蝦湯鮑魚丼$168
食咗咁多重口味嘅嘢，呢個蝦湯飯就好好咁解下膩，蝦湯味幾重，加埋好多櫻花蝦增加口感鮮味！大大隻鮑魚，一咬就開唔會煙韌，非常有滿足感！
士多啤梨雪芭
張貼
