維港灣餃子坊 (已結業)

水煮餃d皮都幾薄，餡料都幾多，就係味道比較淡。韭菜豬肉水煮餃好難伏😂，韭菜同豬肉都成比例既，韭菜味當然好濃，但冇乜味，好似落唔夠調味料。芫荽豬肉水煮餃竟然冇乜芫荽味，似是食緊普通菜餃，都係好似落唔夠調味料。煎餃皮比較厚，但勝在夠Juicy。黑松露豬肉煎餃都有黑松露味，但不夠濃，咬開見到有黑色黑松露醬。芝士粟米豬肉煎餃嘅搭配都幾夾，咬開有粒粒粟米喺豬肉裏面，又有芝士拉絲。總結來講d餃子嘅味道都比較淡，尤其d水煮餃。會推薦煎餃多。餐廳提供外帶生餃子返屋企煮。