天澗居酒屋

營業中

休息中

同事約我去位於元朗教育路79＆81地舖的《天澗居酒屋》用膳，環境舒適，裝修雅緻，坐得舒服。我地點左個《二人前》$368，追加 豚肩肉泡菜鍋 $1（晚市限定優惠）。《二人前》套餐的前菜有蟹籽沙律、刺身2點、壽司4件；主菜有 燒鯖魚、炸豆腐（2件）及雞皮餃子（2件）、牛肉壽喜鍋、鰻魚炒飯，另外有2碗 茶碗蒸、2碗味噌湯、2杯青森蘋果汁。整體黎講係材料豐富及新鮮，刺身係三文魚2片拼帶子4隻，好鮮甜呀；4件不同款色的壽司都好好味；燒鯖魚香脆可口，炸豆腐香口，雞皮餃子有咬口；牛肉壽喜鍋熱辣辣，好味又好食；鰻魚炒飯好香口好味；茶碗蒸好幼滑，蘋果汁好飲。豚肩肉泡菜鍋有少少辣，好惹味！