影片
更多
2023-09-28
50 瀏覽
元朗鳳攸南街出名多食肆，呢間大滾友長期坐滿客，一直想試。最近終於有機會同老公撐枱腳，試咗佢哋嘅限定二人套餐。先講環境，餐廳座位寬敞，用具同擺設都古色古香。再睇餐牌，佢可以將全部菜式都改咗個引人入「性」嘅名字，非常抵死搞笑。湯底要左龍躉片木瓜魚湯🥘 龍躉片肉厚幼嫩滑，熬出嚟嘅湯底奶白色，非常鮮甜順滑。原隻木瓜夠清甜，呢個湯飲落覺得好滋潤，仲吊出食材本身嘅鮮味，非常推薦👍🏻再黎一份牛肉拼盤(細)，份量一啲都唔細！有牛舌、牛小排、牛肩脊、肥牛、黃喉同牛柳粒，一上枱就覺得好豐富😋 肉質相當唔錯，特別係牛小排嘅紋理好靚，油脂夠香✨伊比利亞橡果豬都非常香，肉質細軟，食多幾片都唔膩😋 另外仲食左手打鵝肝墨汁墨魚丸，結合左幾樣食材嘅香味，味道豐富有驚喜，手打嘅墨魚丸特別彈牙。邪惡中嘅邪惡！呢款響鈴拼盤食到原味同鹹蛋黃香兩款，脆卜卜又掛湯，鹹蛋黃包住簡直係味蕾大滿足🤩就連雜菜拼盤都好大份，有齊3款蔬菜、粟米、菇菌、木耳同蕃茄，新鮮爽口，真係食菜都半飽。埋尾嘅火焰焦糖豆腐花清一清口，用火燒完焦糖有濃郁甜味，伴埋豆味超濃嘅豆腐花，呢個甜品正啊😋不得不提，呢度嘅服務都好周到，上枱嘅時候侍應幫手用熱水洗碗筷，加
先講環境，餐廳座位寬敞，用具同擺設都古色古香。再睇餐牌，佢可以將全部菜式都改咗個引人入「性」嘅名字，非常抵死搞笑。
湯底要左龍躉片木瓜魚湯🥘 龍躉片肉厚幼嫩滑，熬出嚟嘅湯底奶白色，非常鮮甜順滑。原隻木瓜夠清甜，呢個湯飲落覺得好滋潤，仲吊出食材本身嘅鮮味，非常推薦👍🏻
再黎一份牛肉拼盤(細)，份量一啲都唔細！有牛舌、牛小排、牛肩脊、肥牛、黃喉同牛柳粒，一上枱就覺得好豐富😋 肉質相當唔錯，特別係牛小排嘅紋理好靚，油脂夠香✨
伊比利亞橡果豬都非常香，肉質細軟，食多幾片都唔膩😋 另外仲食左手打鵝肝墨汁墨魚丸，結合左幾樣食材嘅香味，味道豐富有驚喜，手打嘅墨魚丸特別彈牙。
邪惡中嘅邪惡！呢款響鈴拼盤食到原味同鹹蛋黃香兩款，脆卜卜又掛湯，鹹蛋黃包住簡直係味蕾大滿足🤩
就連雜菜拼盤都好大份，有齊3款蔬菜、粟米、菇菌、木耳同蕃茄，新鮮爽口，真係食菜都半飽。
埋尾嘅火焰焦糖豆腐花清一清口，用火燒完焦糖有濃郁甜味，伴埋豆味超濃嘅豆腐花，呢個甜品正啊😋
不得不提，呢度嘅服務都好周到，上枱嘅時候侍應幫手用熱水洗碗筷，加湯又殷勤。上菜仲好有打卡效果，好似個湯底咁，一嚟到就仙氣飄飄，令人更加期待大飽一頓！
張貼
