福元湯圓

營業中

休息中

平時成日經過都冇留意到有間賣湯圓既店。今日元宵節，特別想食湯圓。7點幾時，已經有好多人排緊隊。但當時岩岩食飽飯，所以行左陣先再去。點知，8點幾仲多人，即刻排隊先。睇得出大家都係為應節，大家又好自律，排隊買完湯圓，再揾位坐，好快食完就即起身走讓位比其他人。到9點幾時，條隊就更長喇，真係好好彩。我地叫左碗薑汁芝麻湯圓，總共有五粒，比起平時糖水店，依間既湯圓大粒好多，餡料都好足，皮又薄，真係好好食。不過，我就覺得個薑汁唔係好夠辣又唔係太熱咁。