福元湯圓

係我心目中全港最好食嘅湯圓！嗌咗芝麻糊花生湯圓同薑汁芝麻湯圓，佢嘅湯圓一放上枱就暖笠笠仲要出晒煙，薑汁同芝麻味充滿喺空氣之中，令人直流口水充滿期待，佢嘅湯圓圓轆轆睇嚟超級吸引，先食咗薑汁底嘅黑芝麻湯圓，咬落去第一啖佢嘅皮超級有咬口勁煙韌，滑捋捋嘅芝麻味充滿住我嘅口，皮厚適中又唔黐牙，入邊嘅黑芝麻好流沙，餡料非常澎湃又滑，食落去芝麻味突出，好足料，粒粒都好飽滿，係十分之幸福嘅味道，仲要佢嘅薑汁完全唔辣，容易入口，之後係超級驚艷嘅芝麻糊花生湯圓，花生依舊超級流心，花生有一粒粒嘅口感，超級鍾意佢嘅花生味，味道鹹鹹地又幾特別，真材實料嘅味道特別濃香又暖胃，配上芝麻糊食更上一層樓，芝麻糊香濃又順滑，Q彈嘅湯圓配上濃郁嘅芝麻糊口感豐富好味，佢仲要係米芝蓮推介，超級值得一試，有人覺得唔好食我真係會喊🥹…查看更多

為食郵筒今日帶您來到北角一間湯圓甜品店「福元湯圓」，小店曾榮獲米芝蓮街頭小食，屹立於福元街30多年，保留舊式木紋枱凳，裝潢簡樸懷舊，主打流心湯圓如黑芝麻及花生口味🍡 以及傳統中式糖水如薑汁、合桃露及芝麻糊，湯圓薄糯米皮同爆醬流心，地道中式糖水首選，除了堂食湯圓，店內亦提供生湯圓給各位回家自煮湯圓🙌🏻「合桃露鴛鴦湯圓（花生/芝麻）」香濃幼滑合桃露，帶有淡淡奶香和核桃香氣，配搭兩大人氣口味湯圓，湯圓大粒又飽滿，湯圓薄皮帶煙韌，咬開濃香內餡即刻湧出流心，黑芝麻香濃幼滑🖤 花生湯圓口味帶花生碎🥜口感豐富，甜香濃郁，吃起來不黏牙，推介中式糖水首選🧡🍡：合桃露鴛鴦湯圓（花生/芝麻）👅好味指數：8.25/10💰消費：HK$43📍 地址：福元湯圓 (北角) 北角炮台山福元街7號利都樓地下I-1號舖…查看更多

-諗起米芝蓮有推介過呢間糖水舖，所以去試下鴛鴦湯圓，入面有三粒黑芝麻湯圓、兩粒花生湯圓湯圓每粒都爆餡，其中我比較鍾意黑芝麻湯圓，花生湯圓，配糖薑水都好好食，又有咬口又有流沙餡芝麻糊味淡、不過配上黑芝麻湯圓係幾好食嘅總結，去湯圓舖都係食返湯圓啦～-▶︎芝麻糊 | $29▶︎鴛鴦湯圓 (糖薑水底 五粒) | $32-📌#sorriso_炮台山 #sorriso_東區-🏠【福元湯圓 Fook Yuen】 📍北角炮台山福元街7號利都樓地下I-1號舖🕑星期一至日 16:00 - 00:00-#foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #炮台山美食…查看更多

呢間開左三十年憑住手搓湯圓摘過米芝蓮🌟嘅家庭式糖水鋪 「📍 福元湯圓」深夜11點仲排滿打包嘅街坊🖤 黑芝麻湯圓筷子輕輕一夾 芝麻餡似熔岩湧出🌋外皮煙韌到要「啜」斷 咬落糯米香混著豬油香黑芝麻磨得幼滑卻保留沙沙顆粒感 甜度濃烈似朱古力🍫 但唔膩喉 暖流直衝胃袋🤤🥜 花生湯圓花生餡一出場就贏咗 流心質地似自磨花生醬🥜甜度收斂三成白芝麻同花生碎粒「索索聲」🌰 鹹香交織 仲有微微薑辣吊味🔥…查看更多

每次嚟都排晒長龍嘅中式糖水舖！舖頭細細，但係人客好多，湯圓真材實料，即叫即煮保證新鮮 拎埋米芝蓮小食推薦！✨黑芝麻湯圓 $30推薦度：9/10個湯圓係糖薑水做底，薑味重又驅寒，冬天嚟食返碗真係成個人暖笠笠湯圓非常大粒，份量十足，皮薄餡多，咬開嘅一瞬間就俾黑芝麻嘅香味襲擊✨花生湯圓 $30推薦度：8/10同樣糖薑水做底，花生味同樣香濃，會食到啲沙沙嘅感覺個人鍾意黑芝麻多啲！✨糖不甩（無餡） $30推薦度：6/10可能有黑芝麻同花生湯圓做對比，呢個就對比之下遜色不少，面頭嘅花生粉係好幼嗰隻，食落個花生味冇花生湯圓咁濃。…查看更多

員工態度差到極點，食唔夠10分鐘，叫我哋起身，因為要騰出位俾其他客人，我哋無起身就無通知聲就攞我嘅袋擺喺枱面，暗示我們快啲走。唔會再嚟呢間食，今時今日咁嘅服務態度，大為失望!!!…查看更多

每逢新年，中秋，元宵呢啲傳統中國節日，都會見到呢間舖頭出面大排長龍。今日終於有機會試下佢。入到去終於知道點解係要大排長龍，因為間舖頭得十幾個位。我目標清晰，鴛鴦湯圓（我揀咗三粒黑芝麻，兩粒花生），薑糖水底。等咗一陣就有得食喇。一上枱就知係好野，個黑芝麻湯圓白裡透黑，就知佢皮薄餡漲，花生湯圓就可能有保護色，睇色就唔知喇，但粒粒都漲卜卜，滑嘟嘟咁。佢啲薑水真係好薑，啲薑好似唔使錢咁，又做到甜品嘅最高境界- 唔係好甜咬開粒湯圓，嘩，流心架而且新鮮熱辣淥出來，真係焫親條脷佢層皮真係好薄而且好煙韌，又爆餡真心嘅，係甜嘅，不過配埋薑水一齊食，啲甜可以中和啲薑嘅辣，啲薑又可以中和湯圓嘅甜，真係perfect match果然名不虛傳不過食完都幾飽，建議大家留肚食湯圓…查看更多

本來只係想食個涼快嘅甜品，點知走入湯圓老字號竟然食到意想不到的驚喜。福元不止湯圓出名，凍甜品同樣有水準，令人對佢印象再升級今日試咗兩款清新甜品，簡單但不平凡：🥭 芒果涼粉（$36）：芒果味清甜天然，涼粉爽滑透心，唔會太甜之餘又夠冰涼，炎炎夏日食一碗超級醒神！🌊 海底椰豆腐花（$34）：豆腐花入口即化，配上海底椰清爽口感，好有層次，甜度適中仲帶點養生感，食完無負擔。呢幾年潮流興食仙草，但我始終最鍾意涼粉。唔單止味道簡單真摯，仲係我童年夏天的標配，一啖落去，全個記憶回甘💭食物可以係回憶，也可以係驚喜。福元湯圓的涼粉與豆腐花，就係兩者兼具的好例子…查看更多

去油街睇展覽，順便過嚟試一試湯圓因朋友介紹，所以記得呢一間福元湯圓湯圓的皮不算太煙靭，但是薄薄的，一咬內餡料即刻流出，尤其芝麻比較流心。相對芝麻，花生就比較遜色，不過同樣好食叫咗鴛鴦湯圓，一次食到兩種口味。糖水部份比較清澈，夠晒熱有薑味✊🏻同行朋友試咗陳皮紅豆沙濃濃的陳皮味，紅豆沙好粉好沙紅豆沙煮得比較綿密如果鍾意食口感嘅人就唔推薦但係如果鍾意食滑溜的糖水推薦。店舖比較細，好多人叫外賣。原本仲想試佢嘅楊枝甘露，留待下次再試…查看更多

杏仁茶香濃滑溜🌰 甜度剛好唔膩喉🍬 質地綿密似絲綢✨ 飲完成個喉嚨好舒服💆‍♀️芝麻湯圓皮薄餡爆💥 一咬開芝麻漿湧出🖤 煙韌外皮配香濃內餌🤤 浸喺杏仁茶仲正💯北角街坊糖水老字號🏮 環境簡單乾淨🪑 阿姐服務親切😊 即叫即煮保證新鮮⏳食完飯必食糖水首選😌 一碗已經夠晒滿足💖 價錢合理份量足💸傳統糖水做到咁高質好難得🌟 下次要試埋花生湯圓🥜 甜品控夜宵好去處🌙…查看更多

見到啲人排晒大隊係朋友講介紹呢度最出色嘅中式糖水即刻叫咗兩碗外賣叫左黑芝麻糊加湯圓味道好滑，而且好濃郁嘅芝麻味杏仁茶加湯圓好香杏仁茶加埋湯圓嘅配搭好出色雖然地方好細，但係都好好生意因為佢哋嘅湯圓真係好出色…查看更多

今日下午想醫下嘴，專程去咗福元湯圓歎返碗熱辣辣甜品。今次揀咗芝麻糊加湯圓，芝麻糊香濃幼滑，入口順喉，唔會過甜。湯圓煙韌有咬口，芝麻餡香氣十足，配埋熱芝麻糊一齊食，暖胃又滿足。之前亦試過佢哋嘅杏仁茶加湯圓，杏仁味濃而唔苦，係鍾意杏仁茶嘅人會鍾意嘅味道；另外番薯糖水、椰汁西米露、豆腐花都試過，質素穩定，甜度適中，每次都有驚喜。福元湯圓店舖唔算大，但甜品選擇多，無論熱食定凍食都有好選擇。係一間可以隨時走入去，靜靜地歎返碗甜品、感受片刻寧靜嘅地方。簡單一碗甜，足以撫慰一個下午。…查看更多

因為我唔係住附近，見佢4pm先開門，而且舖頭細細，所以就4pm去食.睇落似係一家人經營，舖頭只有3張2人摺枱，因為我早去，所以無乜人，可能相對老闆娘心情輕鬆啲，有少少笑容，仲閒聊左一兩句. 試左最出名芝麻糊+湯圓 $38。芝麻糊：堅真材實料，好香黑芝麻，雖然係糊，但一啲都食唔到用粉溝出黎嘅感覺，好滑好入口.。湯圓：皮好薄，黑芝麻唔洗講，又係好香好滑.中式湯水，我唔係好識食，只係食過幾間，呢間算係我食過最好食，最唔‘粉’，最真材實料.（Sor, 有啲詞窮，形容詞有限）…查看更多

這家餐廳的甜品給人一種溫暖的感覺。可以看到，色澤濃郁的芝麻糊，以及核桃糊，都加入了軟糯的湯圓三粒。芝麻糊味道濃厚，香氣撲鼻，每一口都能感受到芝麻的醇厚。湯圓飽滿Q彈，帶來豐富的口感層次。然而，美中不足的是，湯圓的個頭稍微小了一點，而且甜度略微偏高。如果湯圓能夠再大一些，並且調整一下甜度，相信整體口感會更加完美。總體而言，這道甜品仍然值得一試，特別是在寒冷的夜晚，一碗熱騰騰的芝麻糊湯圓，絕對能帶來滿滿的幸福感。…查看更多

老實講, 我覺得芝麻糊同湯圓真係幾好味但服務態度就真係～好差, 好似覺得自己出名「唔優做」咁我企左係度一陣完全冇人理, 入面個女士一直都望到我們佢掛住整外賣訂單完全當睇我唔到咁, 叫我等一陣都冇句, 有個婆婆企左係度都唔理我黎左個男士, 又繼續等左陣～終於問我要咩, 但啲態度似想趕客多啲個婆婆包好左問我係咪叫左芝麻糊雙拼, 佢講野有鄉音我唔係好聽得明叫佢講多次, 佢就好惡咁話雙拼呀～洗唔洗惡成咁呀, 我黎買甜品係想享受唔係受氣, 好食既湯圓唔係得你一間囉…查看更多