美味苑

營業中

休息中

吃到有心機做出美味的食物，是每個客人進入一間食肆的期望，而當最後發現是喜出望外的時候，那份喜悅是言語不能形容的！美味苑只是一間小店，舖內只可以擺幾張枱，客人多的時候，會擺枱出街外。雖然只係小店，但客似雲來，皆因出品美味而且細緻用心，既可以跟餐牌點菜，又可以私房菜形式包場，好有彈性，今晚我哋就由老闆娘發板首先就係酸薑皮蛋，酸薑係佢哋自己醃製，切粒，加上芝麻伴着皮蛋吃，非常之醒胃惹味呢幾日又突然間凍返，所以有蛇羹食，真係好開心，上菜時見到面頭有綠色嘅粉末，原來係檸檬葉磨成分，連蛇羹入口，係有好清新嘅香味，蛇羹嘅濃稠度好好，蛇肉一啲都唔榎口，配料又多，好正！跟住有三個小菜：咕嚕肉，小炒皇，與及蒜蓉豆苗。咕嚕肉嘅酸甜真係抵讚：酸甜好平衡，肉質嫩滑又好咬口，鎖住肉汁入口感覺好飽滿！小炒皇唔同口感的材料併在一起好豐富，又香又惹味！而相信豆苗係處理得好乾身先至炒，既用得少油，也沒有出水，好爽口，功力好高！仲有我至愛嘅煲仔飯，臘腸同臘肉在未煮之前切成幼片，令油份平均分布響飯面，入口亦都唔會因為厚肉而過鹹，特製嘅豉油濃度好高，正當我想攞辣椒油嘅時候，發覺個煲仔飯已經有辣味，原來冇腸係特製過嘅臘肉臘腸，一