牛品台式火鍋

營業中

休息中

呢間火鍋店地方好大，好多座位，裝修都唔錯，坐得都算舒服。佢哋嘅晚市火鍋放題幾正，有好多肉類選擇，最正嘅喺有日本極品奈禾牛，睇佢既紋路都知係靚牛，佢食落去好有彈性，好有口感，而且唔會太多油脂，食多幾碟都唔會膩，仲要有少少肉香味，我哋食左好多碟。我哋叫咗蟲草花白肉藏珍鍋，個湯底好鮮甜，好足料，仲好有冬瓜味。佢仲送鮮活鮑魚同埋春陽茶事嘅飲品。鮑魚好彈牙，飲品揀左珍珠鮮奶茶，都好好飲。我哋叫咗好多嘢食，有花雕酒雞、台灣墨魚仔、蝦、蜆等，呢啲全部都好新鮮。佢哋既蜆完全無沙，而且好飽滿好大隻。台灣墨魚仔烚熟左好彈牙好好味。花雕酒雞都好滑。佢哋仲提供好多台灣小食、丸類、麵、蔬菜、水果同甜品，好多選擇，一定食到飽。最後，梗係要食埋Häagen-Dazs雪糕，雪糕好味。