影片
更多
2023-04-15
60 瀏覽
全港首間高質韓式扒房✨貊炙 MEAK JEOK ✨佢哋嘅Dry aged OMAKASE好吸引，而且仲有專人可以幫我哋燒烤埋添😍即刻約埋一樣咁鍾意食肉嘅閨蜜一齊去試試😋原來呢度送餐係有機械貓幫手，真係好得意呀😻店員介紹咗佢哋嘅韓國蜂巢米酒俾我哋，每隻碗裏面都有一小磚蜂巢，淋上米酒後每一啖都飲到清甜嘅蜂蜜味道。真係好好飲呀！🫶🏻前菜方面有好新鮮嘅韓式野菜沙律同埋大大隻嘅醬油蝦同帶子，前者蝦頭勁多膏仲有埋蝦籽，肉質爽甜，後者大大粒啖啖肉好滿足！而其他韓國小菜（泡菜、醃蘿蔔、小魚乾、醃魷魚、涼拌大豆芽）都充滿傳統地道風味😻主角Dry aged OMAKASE擺盤好靚，每一款肉類都好新鮮😻一定要大讚呢度嘅服務真係好好👍🏻店員好友善親切，細心地問客人鍾意幾多成熟然後幫手燒烤，食完第一轉之後就會再過嚟燒第二轉，所以每一次都可以食到熱辣辣嘅烤肉😋我哋都好鍾意牛小排，肉汁豐富而且牛味濃郁！Dry aged嘅肉眼同豬梅肉本身已經有少少咸味，原汁完美都已經好正，再加醬料包生菜食又係另一種味道，五花腩雖然邪惡，但係有油脂燒走晒之後好香口，送酒真係冇得彈😍八爪魚石鍋飯個底仲有卜卜脆嘅飯焦，配埋海鮮醬撈勻一齊食
原來呢度送餐係有機械貓幫手，真係好得意呀😻
店員介紹咗佢哋嘅韓國蜂巢米酒俾我哋，每隻碗裏面都有一小磚蜂巢，淋上米酒後每一啖都飲到清甜嘅蜂蜜味道。真係好好飲呀！🫶🏻
前菜方面有好新鮮嘅韓式野菜沙律同埋大大隻嘅醬油蝦同帶子，前者蝦頭勁多膏仲有埋蝦籽，肉質爽甜，後者大大粒啖啖肉好滿足！而其他韓國小菜（泡菜、醃蘿蔔、小魚乾、醃魷魚、涼拌大豆芽）都充滿傳統地道風味😻
主角Dry aged OMAKASE擺盤好靚，每一款肉類都好新鮮😻
一定要大讚呢度嘅服務真係好好👍🏻店員好友善親切，細心地問客人鍾意幾多成熟然後幫手燒烤，食完第一轉之後就會再過嚟燒第二轉，所以每一次都可以食到熱辣辣嘅烤肉😋我哋都好鍾意牛小排，肉汁豐富而且牛味濃郁！Dry aged嘅肉眼同豬梅肉本身已經有少少咸味，原汁完美都已經好正，再加醬料包生菜食又係另一種味道，五花腩雖然邪惡，但係有油脂燒走晒之後好香口，送酒真係冇得彈😍
八爪魚石鍋飯個底仲有卜卜脆嘅飯焦，配埋海鮮醬撈勻一齊食鹹香又惹味😋最後嘅生米酒Tiramisu味道甜甜地仲帶有米酒香，真係好特別呀！值得下次再嚟encore🥰
張貼
