火薈中日火鍋

營業中

休息中

今日行完花墟就去咗火薈打邊爐，貪佢唔係好多人，最近又有做特價，性價比好高。先要一個刺身拼盤！次次去火薈食刺身都唔會失望，份量足、材料新鮮。湯底我哋今晚要左椰子雞窩，都幾足料，不過都要煲一陣先出到味。今晚試咗好多款打邊爐配料，美國桶蠔係必食推介，好大隻肥美，煮完都唔會縮水太多。 牛頸脊都唔錯，不過略為切得薄左少少。芝士獅子狗都好味，入面塞滿左煮溶嘅芝士，我哋要咗兩碟先夠！響鈴都幾好，好大件好脆！四寶餃都食得過，每一件都好足料，雲吞最好味！本來仲想去附近食中式糖水，不過太飽了，下次都係要叫多啲人一齊打邊爐先得！