楚撚記大排檔

營業中

休息中

如果唔係幾日前訂位應該食唔食，點解咁講？因為前幾日就係walk in食唔到即刻訂位囉。先上咗個湯，呢個湯無得輸，完全為呢餐飯開咗個靚頭。湯料夠、豬肺香口、唔咸、唔油，夠濃郁。一定要叫！咕嚕肉都係要試，唔肥唔瘦，皮脆肉實，但旁邊嘅糖餅，後生可咬一口，年紀大要避避。炒蜆炒得香口，好食，香辣。可以叫，但人少就可以叫其他試。豬油撈飯，豬油、豉油加上蒸飯，我平時晚飯走飯都忍唔到食咗幾啖，又係必叫。蒸飯真係好味好多，煲飯無得比。豆腐係滑嘅，但七味粉同椒鹽味唔夠，有啲失色咗。粟米係真係要試，外香內甜，唔柴。今晚廚心情靚，咸蛋黃俾多咗，所以某啲部份咸咗啲。鮮魷係滑到口嚨，無牙都咬到，但今次入貨好似中等咗？一餐飯個半小時，人客太多，人手有啲不足。今次試唔哂，一定要再見。