南瀛水產

叫左一個松葉蟹海膽釜飯、一個豚肉鍋、一盤刺身盛同卷物。釜飯話係海膽釜飯，但係入面得幾粒海膽碎，撈落飯度完全食唔到，飯嘅份量又少，咁就要$238。豚肉鍋盛惠$328，但係豚肉質素同出面打邊爐放題差唔多，雖然豚肉份量尚可接受，鍋底都多野菜，但係肉嘅質素令人太失望。而刺身$368一盤就係得幾塊，完全同圖片不符。整體嚟講就係又貴又少又唔好食，其實貴都係其次，重點係份量少得離譜，仲要唔好食，就算有75折都完全唔抵，真係完全諗唔到再幫襯嘅理由。