雲壽司 (已結業)

雲壽司近期都算好hit，出名價錢平得黎好高質。價格親民，但堅持用日本食材。太子新開分店，點都要去試下。好多唔同款壽司🍣。壽司拼盤一早配搭好10件壽司，有油甘魚，三文魚，甜蝦，真鯛，帆立貝，三文魚籽，池魚，吞拿魚腩，北寄貝和辣味三文魚。北海丼刺身飯，好大碗飯，上面舖滿刺身。吞拿魚腩，油甘魚，赤背，牡丹蝦，海膽，三文魚和三文魚籽。最愛海膽絕無腥味，口感滑溜。三文魚籽皆粒粒脹卜卜，鮮味濃郁。牡丹蝦的蝦肉甜美，蝦膏甘香。吞拿魚腩則魚油味濃，入口即溶。壽司飯好軟熟，相信即叫即制真係保持新鮮👍🏻