魚你相聚

營業中

休息中

想食正宗酸菜魚唔使返深圳咁遠啦！而家我樓下都有得食，價錢優惠之餘，味道地道四川風味夠晒正宗！最鍾意食大盤酸菜魚，有四種魚類選擇，揀了鱸魚片，湯底可以揀酸菜湯或者酸菜魚滕花椒酸菜湯，呢度花椒味湯底好鬼正，嗰種麻辣係直透舌尖，食完會可以feel到個嘴唇微微腫起，爽到入心入肺！愛辣人士不能錯過！鱸魚片夠晒滑，入口即溶好似雪糕咁，好堅！略帶魚皮部位帶點煙靭口感，又有另一種享受！大盤酸菜魚除了魚肉煮菜之外，還配備了多款配菜，配料包括薯粉、薯仔、萵筍、豆腐、豆腐皮、大豆芽、娃娃菜、金針菇、海帶。套餐還配兩個白飯，並以優惠價錢加配飲品。最鍾意薯粉，口感煙煙韌韌勁好味！金針菇和大豆芽吸收了湯底，辣度返倍加倍刺激！絕對係必食之選！最近有些涼意，最適合飲這款胡椒豬肚雞煲，$70已經有這個份量真的性價比高！豬肚爽實配胡椒香氣的湯汁果然香醇。