影片
更多
2024-11-14
359 瀏覽
第一次嚟Cuisine Culture，冇諗過質素咁高法國巴約訥火腿提子沙律 - 沙律菜好新鮮好乾淨，橄欖油同醋份量得宜，火腿好香，做到濃而不膩，配提子嘅食法亦好特別焗法式地道古也芝士洋蔥湯 - 好特別嘅湯，成碗入爐焗過，麵包脆卜卜，芝士同洋蔥味又濃郁又夾，啖啖都有滿滿嘅洋蔥同芝士，味道好特別好好飲慢火煮紅酒和牛面肉配法包 - 牛面肉味道香濃，口感軟腍，有入口溶化嘅感覺，紅酒味道突出，又唔會搶咗牛嘅香味，配麵包食一流海鮮墨魚意粉 - 調味好好，墨汁帶有濃濃嘅海鮮味，青口好creamy，有食緊生蠔嘅感覺，帶子煎到剛熟，一絲絲口感好好，意粉軟硬度適中，口感好好是日甜品係麵包布甸，甜度啱啱好，配上勁香同口感煙韌嘅榛子雪糕，食得好滋味，伴碟嘅裝飾都畫得好有心機Cuisine Culture位置好方便，中環站一出過條馬路就到，環境同氣氛俾人一種舒服嘅感覺，牆上好多好靚嘅掛畫，座位又乾淨又闊落，而家已經有好靚嘅聖誕佈置同擺設唔同種類嘅食物選擇好多，而家仲做緊House wine、白酒、紅酒同啤酒買一送一，服務又貼心，食物勁用心誠意製作，性價比好高，絕對有酒店嘅水準，已經期待緊下次再嚟
法國巴約訥火腿提子沙律 - 沙律菜好新鮮好乾淨，橄欖油同醋份量得宜，火腿好香，做到濃而不膩，配提子嘅食法亦好特別
焗法式地道古也芝士洋蔥湯 - 好特別嘅湯，成碗入爐焗過，麵包脆卜卜，芝士同洋蔥味又濃郁又夾，啖啖都有滿滿嘅洋蔥同芝士，味道好特別好好飲
慢火煮紅酒和牛面肉配法包 - 牛面肉味道香濃，口感軟腍，有入口溶化嘅感覺，紅酒味道突出，又唔會搶咗牛嘅香味，配麵包食一流
海鮮墨魚意粉 - 調味好好，墨汁帶有濃濃嘅海鮮味，青口好creamy，有食緊生蠔嘅感覺，帶子煎到剛熟，一絲絲口感好好，意粉軟硬度適中，口感好好
是日甜品係麵包布甸，甜度啱啱好，配上勁香同口感煙韌嘅榛子雪糕，食得好滋味，伴碟嘅裝飾都畫得好有心機
Cuisine Culture位置好方便，中環站一出過條馬路就到，環境同氣氛俾人一種舒服嘅感覺，牆上好多好靚嘅掛畫，座位又乾淨又闊落，而家已經有好靚嘅聖誕佈置同擺設
唔同種類嘅食物選擇好多，而家仲做緊House wine、白酒、紅酒同啤酒買一送一，服務又貼心，食物勁用心誠意製作，性價比好高，絕對有酒店嘅水準，已經期待緊下次再嚟
張貼
