蘇山雞飯

營業中

休息中

呢間係長沙灣新開咗冇耐嘅星馬菜餐廳，之前聽講招牌海南雞飯好出名，終於有時間嚟試下😙夜晚見到有好多人係門口排隊，店面唔算話好大，但坐得都舒服。除左馬來西亞同新加坡菜之外，仲有提供特色港式菜同晚市套餐，菜色算多樣呢🔸 招牌海南雞飯配迷你星洲叻沙（HK$75） +加配參巴醬通菜 （HK$20)呢個晚市套餐超抵食呀🙂除左有海南雞飯之外，仲配埋一份迷你星洲叻沙添，可以一次過試曬兩款菜色。海南雞皮滑肉嫩，肥瘦適中，油飯食落都唔膩，夾埋一齊食別有一番風味。迷你星洲叻沙雖然份量唔大，但味道一樣咁足，湯底微辣帶點椰香，有豆卜、魚蛋魚片同大蝦，成個set食落好滿足～🔸 鮮油咖央多士（HK$22）鮮油咖央多士見好多人嗌，果然冇令小編失望~烤過嘅士司夾住甜甜嘅咖央醬同凍凍地嘅牛油片，極度邪惡嘅組合，但都係忍唔住食晒佢～⁡🔸 輕怡肉骨茶（HK$48）肉骨茶入面有豆卜同排骨，材料都幾豐富，白胡椒味好突出，增加香氣，驚藥材味嘅人都可以接受到～⁡🔸 特色小食拼盤（HK$78）可以一次過試晒咁多樣小食，包括有雞翼、泰式魚餅、順化豬肉串、黑椒扎肉同脆炸鳳尾蝦春卷。小編特別鍾意春卷，擺左一段時間都一樣咁脆身，豬肉串都好鹹香