龍城冰室

營業中

休息中

是晚同男友去APM行街，疫情稍為緩和下，接近晚餐時間，商場食肆都人山人海。於是我地OpenRice附近餐廳，發現咗呢間有很多笑面好評嘅冰室。我地七點左右去到，裡面唔算太多人，我地可以坐到卡位。卡位空間有啲狹窄，要縮起個肚腩先坐到入去我地見到枱面貼左晚市優惠二人套餐廣告，有兩個小菜、白飯，中湯或紅湯選擇，感覺很實惠。咁我地點咗時菜炒斑片，斑片好厚身，肉質滑嫰唔霉又冇雪味，好正！豉椒蒸倉魚，大大條，蒸到啱啱好，唔會過咗火候，非常有水準！以後去觀塘又多個開飯好選擇啦！