影片
更多
2020-05-20
4236 瀏覽
我哋屋企一向都唔會喺各個節日嘅正日出去食飯所以今個星期先補祝返母親節🥰兩老唔喜歡去太遠於是就book咗呢間新開酒店嘅半自助晚餐依家仲要做緊7折近近哋試吓佢先！我哋6點半入座仲未有太多人環境都幾闊落坐低就已經叫咗個main course好快亦已經上菜我哋叫咗3份肉眼扒牛嘅肉味都ok我同老公嗰份師傅真係煎到5成熟爸爸嗰份嘅7成熟又唔會太老值得一讚個薯蓉好滑好重牛油味有驚喜😍媽咪嗌咗份煎爐魚佢話唔夠滑😂但個味道佢話都幾好我試咗一啖 中規中矩起碼一啲腥味都無可以一試出去自助區拎嘢食凍海鮮有兩款青口同翡翠螺Size唔算大隻但都幾新鮮尤其個螺好爽口不錯！個粟米忌廉湯有勁多粟米蓉😂小朋友應該會鐘意2款麵包無乜特別🙈不過我鐘意食包所以每樣都食咗一個呢個中湯幾好飲！雖然媽咪話應該有落味精不過我都飲到粟米嘅甜！同埋啲雪耳煲到爛晒我鐘意🤤好飲得滯 飲咗兩碗😂芝士蛋糕細細件連平時唔食cheese cake嘅媽咪都encore咗白色嗰款🤣我都覺得白色好食過藍色呢粒係水晶豆沙包？其實無乜特別 不過嗜甜所以都食咗2粒😂自動Pancake機整嘅pancake平時食真正buffet無乜人會留意呢部機不過今晚就要排隊㩒制
所以今個星期先補祝返母親節🥰
兩老唔喜歡去太遠
於是就book咗呢間新開酒店嘅半自助晚餐
依家仲要做緊7折
近近哋試吓佢先！
我哋6點半入座仲未有太多人
環境都幾闊落
坐低就已經叫咗個main course
好快亦已經上菜
我哋叫咗3份肉眼扒
牛嘅肉味都ok
我同老公嗰份師傅真係煎到5成熟
爸爸嗰份嘅7成熟又唔會太老
值得一讚個薯蓉好滑好重牛油味
有驚喜😍
媽咪嗌咗份煎爐魚
佢話唔夠滑😂
但個味道佢話都幾好
我試咗一啖 中規中矩
起碼一啲腥味都無
可以一試
出去自助區拎嘢食
凍海鮮有兩款
青口同翡翠螺
Size唔算大隻
但都幾新鮮
尤其個螺好爽口
不錯！
個粟米忌廉湯有勁多粟米蓉😂
小朋友應該會鐘意
2款麵包無乜特別🙈
不過我鐘意食包所以每樣都食咗一個
呢個中湯幾好飲！
雖然媽咪話應該有落味精
不過我都飲到粟米嘅甜！
同埋啲雪耳煲到爛晒
我鐘意🤤
好飲得滯 飲咗兩碗😂
芝士蛋糕細細件
連平時唔食cheese cake嘅媽咪都encore咗白色嗰款🤣
我都覺得白色好食過藍色
呢粒係水晶豆沙包？
其實無乜特別 不過嗜甜所以都食咗2粒😂
自動Pancake機整嘅pancake
平時食真正buffet無乜人會留意呢部機
不過今晚就要排隊㩒制整🤣
整完趁熱食都ok嘅
口感都幾煙韌
佢呢度嘅雪糕幾特別
係香港製造
媽咪貪得意拎咗杯沖繩海鹽
我哋兩個食完結論係
幾特別 但唔好食😂
爸爸話個朱古力味偏苦
我見仲有港式奶茶味同玄味茶味
不過已經好飽就無試了
另外自助區其實仲有果汁茶啡
沙律菜同糖水
全部都食得過
特別一提啲羽衣甘藍幾fresh
我呢個羽衣甘藍fans食咗一大碟😂
-
4個人
埋單$809
個人覺得真心抵
老人家如果食太貴佢哋會肉赤
如果食啲講究食材質素但份量少
佢哋又會話唔抵同唔知食緊乜😂
所以今晚咁樣
質素唔太差
又可以吃到飽
價錢又唔貴
佢哋就最高興了☺️
張貼
