龍亭

朋友介紹呢間鐵板燒，估唔到最平五百幾蚊已經可以食到，雖然要去到佐敦，而且附近環境都比較複雜，但坐咗喺餐廳入邊地方闊落，最緊要可以平過出面一半嘅價錢食到鐵板燒，點都要試一次，我哋一坐低先飲返兩杯，呢款梅酒酸酸甜甜，真係好啱女仔飲，最平五百幾蚊已經食到一個鐵板燒餐，但朋友想試多幾款，所以最後我哋決定叫咗個七百幾蚊嘅餐。師傅即時製作，我哋點咗帶子，鮑魚，鮮蝦，同埋魚，鮑魚同鮮蝦係最好食，鮮甜又彈牙。飲湯清清味雷之後，我哋就食牛柳，碗湯雖然清清淡淡，不過見到佢連豆腐都切到一絲絲好有心思，牛柳肉味比較濃，肉質較林，我覺得配埋蒜片特別好食。最後食埋個炒飯同埋甜品，今晚同一位好耐冇見的好朋友一齊食飯，實在過咗一個好難忘嘅晚上。