大統領 (已結業)

朋友介紹嘅一間平民日式🎏餐廳，去到門外見到非常多人排隊等待入座或者外賣🥡。驟見餐牌價錢都非常大眾化，吸引左唔少學生。刺身定食 $88 定食包括左四種刺身🐟，另外可以係飯或者冷熱烏冬入面揀一個主食，我就揀咗胡麻冷烏冬。上碟嘅擺設精美，連匙羹🥄都係魚仔樣，但可以明顯見到刺身色澤比較乾身，唔係好夠肥美，入口就不過不失。八爪魚🐙就相對比較失色，因為有啲韌，落唔斷既感覺。烏冬就冇乜特別，麵質係幼身算彈牙，胡麻醬超足料。女仔食完應該會有啲啱啱好嘅感覺，但對於男仔黎講可能份量就唔係好夠，大家自行判斷🤗。