焱丸水產

營業中

休息中

轉角就去左日本食浜燒水產尖沙咀棉登徑盡頭有一間隱世浜燒水產，唔講以為自己真係去咗日本。首先叫咗兩個味噌甲羅燒，一個加咗黑松露，燒咗一陣聞到濃濃嘅蟹膏香，食落甘香軟滑，雖然黑松露香味都好突出，但都係傳統味噌甲羅燒好食。然後就嚟咗鮑魚燒，兩隻鮑魚好似手掌咁大，仲會郁㗎，放上爐燒咗5分鐘左右就熟晒。鮑魚啖啖肉，好冧身，而且唔會乾，好好味。食完燒海鮮，要咗隻岩手縣生蠔，睇落唔算肥美，識落就好甜，而且唔會有海水味，係幾creamy嘅蠔。之後叫咗兩個定食，炎丸號烏冬定食同豐洲壽司刺身定食。炎丸號有海膽軍艦，同埋蟹肉軍艦，海膽鮮甜，好新鮮。豐洲壽司刺身定食有海膽、赤身同池魚，有三文魚、鯛魚、帆立貝、北寄貝同熟蝦壽司，刺身真係好鮮甜，好似真係日本當地魚巿場食咁新鮮。額外叫多個轟炸雞，雞件外脆內多汁，就算咁飽都覺得佢好好味。真係好推薦大家思鄉時嚟焱丸水產。