RUE DU LIBAN

營業中

休息中

中午時分，相約了膳尚宮食午飯，蛇年首次見面，想揾間大家又未試過，又好傾計的地方，於是就選了吃黎巴嫩菜。首次到來，膳尚宮話一個吃牛，一個吃魚，分散投資，大家些牙少少⋯⋯是日餐湯:波菜忌廉湯~打得杰身，香濃嫩滑，熱騰騰，滋味濃厚。黎巴嫰磨菇汁煮牛肉~Mezze Selection:好似Cream 咁嘅形態的是鷹嘴豆蓉，而紅色那粒就是加入了紅菜頭的鷹嘴豆蓉，各據特色。另一旁的便是薄脆紅石榴醬沙律，酸酸甜甜幾醒胃，而啡色那粒是炸鷹嘴豆餅。老實說，對筆者來說，唔睇餐牌，真是分辨不到⋯⋯主菜便是磨菇汁煮牛肉配上飯及兩片薄餅，都幾飽肚。黎巴嫩芝麻醬烤盲鰽~前菜所有圍盆都是一樣，只是放在碟內中央位置不同。肉質未算嫩滑，但芝麻醬又很惹味。米布甸大家都很喜歡這甜品，米味香濃又唔算太甜，落了點點的玉桂粉，惹人討好。當日和咖啡很夾檔。整體來說:午餐無論你選那一個主菜，外貌都是差不多，金色碟盆，擺盆都是一樣，只是主菜部分位置更改，所以當店員端上枱時候，細心看才知道是那份主菜。甜品的米布甸，給你一個良好的印象。新的一年新氣象，吃黎巴嫩菜，喜慶洋洋。