韓雅林

營業中

休息中

傳統老字號之《韓雅琳》餐廳有點懷舊風格，裝修亦有韓國風格，座位好闊落，餐廳職員大部分係韓國人，十分好客，點餐後餐廳會上前菜，共有7款泡菜、薯仔、茄子、芽菜、菠菜，好豐富，而且味道不錯，醬油海鮮拼盤配牛油飯：拼盤好吸晴，有齊醬油蟹1隻、醬油蝦2隻同鮑魚2隻，全部都好新鮮。醬油蟹都算好大肉眼睇已經好多蟹膏，蟹身既肉質好嫩滑，蟹腳都好多肉，蟹殼十分多膏，橙橙黃黃既蟹膏撈飯食一流，醬油蝦都非常大隻，有驚喜，肉質十分爽口鮮甜，而鮑魚口感彈牙，總括幾樣海鮮都好入味，而醬油味道唔會太鹹。藥膳牛排骨湯：味道濃郁，絕對唔係味精湯，牛排骨肉好大件，而且肉質嫩滑，湯底配料有蛋花、粉絲、金茹絲、蘿蔔，飲落十分暖胃，湯水份量可以多點就好了。牛肉餅：有4大件，非常大嚿，入口質軟淋，而且多汁，唔會乾增增，配菜洋蔥好入味。煎魚：雖然唔算好大條，但都啖啖肉，外層煎黃金色，但入口唔會油膩，味道清地地。總括，食物有質素，環境氣氛都不錯，醬油蟹有驚喜好好味，食材味道都好正宗。