百味閣餐廳

營業中

休息中

呢間百味閣餐廳位於九龍塘地鐵站附近，周邊又近浸會醫院浸會大學，地理位置方便易搵。餐廳嘅裝修係比較具備懷舊感覺，所有裝飾上都俾人感覺好似回到舊香港時代一般。職員們嘅溫情招待亦都會令你感覺食得舒服坐得開心。呢度嘅晚餐選擇非常多，睇到餐牌已經令你覺得琳琅滿目，亦都有晚餐套餐供你選擇。蒜蓉包餐前食左一份蒜蓉包，份量有4件兩個人食啱啱好，蒜蓉包比較香脆，香濃嘅牛油味加埋蒜蓉味，口感不錯。卡邦拿巴馬腿煮意大利粉份量比较大份，火腿带啲咸香味，每一啖都可以食到火腿肉絲，配上香濃嘅醬汁味食落感覺非常好味。鐵鍋煎牛柳芯呢份主菜一上枱就可以聞到一陣陣熱辣辣嘅香味，因為係即叫即整需要等一段時間，但係菜嘅味道亦都唔會令你失望。有西蘭花、薯仔、甘筍、蕃茄仔做伴碟，賣相精緻。牛柳芯煎得外脆焦香但係入邊仲keep 住粉紅嘅肉色同埋牛肉本身嘅肉汁，淋上醬汁之後食又多一層口味。shi什果賓治最後飲品叫做一杯什果賓治，酸酸甜甜飯後來一杯非常解膩。