帝樂德國餐廳 (Fashion Walk) (已結業)

今晚嚟銅鑼灣嘅King Ludwig Beerhall（帝樂-德國餐廳）晚餐，食客都幾多。呢間傳統德國餐廳燈光同佈置好有feel，營造出一種舒適而又放鬆嘅氛圍。🍽️ 紅酒燴牛尾好鍾意呢道菜，味道香濃，牛尾好啱火候，唔係單純軟腍，而係同時保留住牛肉嘅煙韌質感。🍽️紐倫堡豬肉腸配酸椰菜外皮微脆嘅德國豬肉腸，配搭薯蓉同酸椰菜，平衡咗豬肉腸嘅油膩，增添咗一層清新酸爽口感。🍽️ 德國扭結麵包配牛仔肝醬呢個搭配口感新鮮，一邊食一邊飲德國啤酒，唔錯。🍹 Mulled Wine酒方面除咗一杯清涼啤酒之外，另外叫咗一杯Mulled Wine。Mulled Wine係冬季好傳統嘅酒，以紅酒加上肉桂、橙片等等香料加熱，好啱冬天飲，暖笠笠好舒服！