影片
更多
2022-11-25
255 瀏覽
開放"0+3"後，外國朋友終於有機會來香港了，梗係要帶佢食返餐好嘅，來到了呢間「1908bc British Chinese」。餐廳環境舒適，播放住柔和音樂，令人放鬆；同老闆傾開，得知佢係由英國回流，所以菜式口味傳統中國帶點新穎。蝦多士配甜辣醬 :食主菜前先叫個小食，蝦多士一客有四件，多士上鋪滿蝦膠及芝麻，再炸至金黃色，賣相相當吸引。蝦多士食落香脆，蝦膠夠彈牙，每一口都可以食到蝦膠，再配埋甜酸醬，食落更惹味。香酥鴨跟薄餅 :一份有六件，食法同片皮鴨一樣，用薄餅包住鴨肉、青瓜條及京蔥絲，再加烤鴨醬，餐廳用香酥鴨取代片皮鴨，食落更香口，口感更脆，亦無咁肥膩，感覺幾新穎。甜酸咕嚕肉 : 咕嚕肉可以話係外國人最喜歡中菜之一，咕嚕肉炸得外脆內軟，炸漿唔厚，唔會炸粉多過肉，肉有肉汁唔會太乾，比普遍嘅咕嚕肉更大件，配菜除咗有菠蘿及彩椒外，仲有火龍果，酸中帶甜相當開胃。豆腐雜菜煲 : 雜菜煲上檯時熱辣辣，份量都幾多，雜菜有西蘭花、白菜仔、紅蘿蔔及雜菇，非常豐富，食完咁多肉食返d菜，可以減低油膩感。Saint Clement’s :以檸檬酒、Prosecco氣泡酒及鮮橙汁混合而成，賣相呈橙黃色，非常吸睛
餐廳環境舒適，播放住柔和音樂，令人放鬆；同老闆傾開，得知佢係由英國回流，所以菜式口味傳統中國帶點新穎。
蝦多士配甜辣醬 :
食主菜前先叫個小食，蝦多士一客有四件，多士上鋪滿蝦膠及芝麻，再炸至金黃色，賣相相當吸引。
蝦多士食落香脆，蝦膠夠彈牙，每一口都可以食到蝦膠，再配埋甜酸醬，食落更惹味。
香酥鴨跟薄餅 :
一份有六件，食法同片皮鴨一樣，用薄餅包住鴨肉、青瓜條及京蔥絲，再加烤鴨醬，餐廳用香酥鴨取代片皮鴨，食落更香口，口感更脆，亦無咁肥膩，感覺幾新穎。
甜酸咕嚕肉 :
咕嚕肉可以話係外國人最喜歡中菜之一，咕嚕肉炸得外脆內軟，炸漿唔厚，唔會炸粉多過肉，肉有肉汁唔會太乾，比普遍嘅咕嚕肉更大件，配菜除咗有菠蘿及彩椒外，仲有火龍果，酸中帶甜相當開胃。
豆腐雜菜煲 :
雜菜煲上檯時熱辣辣，份量都幾多，雜菜有西蘭花、白菜仔、紅蘿蔔及雜菇，非常豐富，食完咁多肉食返d菜，可以減低油膩感。
Saint Clement’s :
以檸檬酒、Prosecco氣泡酒及鮮橙汁混合而成，賣相呈橙黃色，非常吸睛；飲落好香檸檬味，酒味唔太濃，最適合飯後慢慢歎。
Fruit punch :
唔飲酒嘅朋友要咗簡單嘅fruit punch，色彩繽紛，飲落唔太甜，配埋雜莓感覺好清涼。
張貼
