叠記咖喱

傳承三代，有70多年歷史嘅澳門咖喱食店，叠記咖喱在香港太子開咗分店，梗係要過嚟試吓！餐廳地方潔淨高雅。主打傳統橡筋面，以及各種以咖喱為主的菜式。如珠如寶麵有多款餸菜：南乳豬手炆至軟淋入味，入口充滿骨膠原。豬皮口感Q彈。豬紅滑溜入味。豬頸肉口感鮮嫩帶脆湯底加左滷水汁，但唔會過咸，橡筋粗吸收湯汁，彈牙又美味！嗱喳麵餸菜更豐富：有豬腸、豬皮、豬紅、魚蛋、蘿蔔、生菜。豬腸乾淨冇異味，炆得夠林好入味。魚蛋彈牙，其他都好入味，橡筋幼沾滿加咗秘製辣汁嘅湯底，辣辣哋超惹味。小食：四寶豬份量都好多。有豬紅、豬皮，豬手、豬軟骨，全部都好入味，尤其係豬軟骨燜得非常入味及軟腍，令人回味無窮。凍華田和凍奶茶都夠味，不會過甜。