帕維亞意大利餐廳

營業中

休息中

偶然約會...今日同左一位，多年無聯絡嘅舊同事飯聚...因我無食Lunch嘅習慣，但對方卻提議食Lunch..............大驚！因為唔知去邊度食好....最後去左一間位於九龍城，静中帶靜嘅餐廳。係！係静中帶靜...中午嘛！同埋想避開人流。所以揀左一間，偷跳一流嘅意大利餐廳。Book左1點兩位，我慣常提早入席，到步時冷氣先啱啱開...好熱！聽過侍應詳細介紹後，已暗自盤算想食，Lunch Menu未有列明嘅「黒毛豬」...朋友入座後，侍應再次向我地作推介，最後我倆都點選黒毛豬，另外Order左生蠔。黒毛豬火候拿捏精準，肉嫩呈微粉紅，肉汁豐盈但略嫌唔夠熱...蠔...........唔記得問鍾意食蠔嘅友人如何！亦俾佢嘅美貌吸引住！所以無記下廚師嘅講解(抱歉)，但生蠔好鮮、真係好好食，連隊兩隻！若大家相約知己飯聚，但苦無合適用餐場地！Pavia值得一試。