Poking

長假期有時食得太滯太肥膩，想食健康啲就會想食poke bowl，可以食多啲菜，又有豐富嘅蛋白質，真係健康之選，幾啱減肥健身時食，可以增肌減脂，吸收優質蛋白質。Creamy baby三文魚、牛油果、雞蛋絲、豆腐、青瓜、蟹籽、木魚絲、脆炸蒜粒配芥末乳酪沙律醬，三文魚分量多又好新鮮，壽司飯+沙律菜好大碗，蟹籽再增添左咸香味道每啖卜卜聲，食哂一碗真係好飽肚。Thai good day香煎雞扒加蝦仁而個配搭幾吸引，揀左蕎麥麵+沙律菜，配菠蘿、中華沙律、甘荀絲、花生碎，口感豐富又香口，配埋泰式沙律醬，酸辣幾開胃。椰青冰萃咖甜甜地中和甘味，係唔錯嘅新配搭。蘋果醋氣泡紅茶酸酸地好清爽。