Poking

今日陪老媽子過嚟上環買海味！無啦啦話想食健康午餐，即刻上網搵吓附近有冇先，比我搵呢間！餐廳座位寬敞，簡約整潔，可揀座位或吧枱，感覺好舒服！我地叫咗兩主餐，兩湯。😇A. I’m greedy （飯底、沙律菜、壽司飯，+香濃南瓜湯）$173好大碗嘅飯！有蝦、三文魚子、吞拿魚、三文魚、蟹柳、青瓜、豆、蛋絲，非常豐富，魚生10分新鮮，豐富海鮮🤩 雖然冇其他汁，但係成個飯都好夠味道，啖啖海鮮飯都好食無比，而且唔覺得膩喎！😋S5. Seafood Scallion (醬汁偏好，+清甜椰子蜆湯) $128呢個都好大碗喎！有溫泉蛋、三文魚、蝦、蔥花、蕎麥麵喺下邊，索晒啲汁，正呀！三文魚同蝦都好新鮮，整個配合起來好健康，少油少糖少鹽，好適合啲注重健康嘅人來食，同埋真係好飽！個清甜椰子湯好特別！加埋洋蔥、椰子肉絲，個湯椰子味好出，仲有好多隻蜆，清甜好飲！😃餐廳好細心，天氣涼都唔怕食！因為有warm bowl揀，好貼心😘 而且多種新意配搭，選擇多，總有一個配搭岩自己口味！時下人喜歡健康餐，好推介這間比大家！