一汁一菜 (源成中心)

營業中

休息中

晏晝行完街，順便係附近買個外賣反屋企食先。原本唔知食咩既時間，咁岩係對面馬路諗住諗下既時候比我發現呢間日式料理，好多野可以自己配搭。我揀左個蕃茄雞肉咖喱配鰹魚湯稻庭烏冬，同埋一汁一菜和牛羅宋湯，加咗個小食日本馬鈴薯豚肉煮同一個日本白桃意式奶凍同一杯凍蜜桃紅茶🩷🩷🩷🩷🩷佢個蕃茄雞肉咖喱真係好特別，蕃茄味同咖喱味都食到，撈飯一流，而且啲雞肉都唔會好嚡，同埋好多蔬菜配搭好健康。同埋個烏冬鰹魚汁都好清新，佢個鳥冬都好煙靭同埋比較大條，再加埋個羅宋湯超足料，飲到啲牛肉粒同埋蕃茄蓉仲有啲蔬菜，好濃味酸酸甜甜好開胃。個小食加埋啲甜甜地既汁一齊煮，食到啲蔬菜既清甜味，同埋佢個豚肉薄切好掛汁，忍唔住煮多左一碗飯黎食。個甜品蜜桃肉非常之大舊，每一啖果肉再加埋個奶凍好正！個奶味都好濃郁，最後飲反杯蜜桃茶解下滯，食到好飽呀。同埋佢外賣盒啲包裝都好日式又好靚。下次仲想試下其他料理。