Poking

☞ 上環 Poking ☜———————————————有時想食份量大，但健康啲可以減脂又高蛋白質嘅魚生飯，仲要想有多啲唔同配料，呢一間餐廳係唔錯嘅選擇🤩———————————————◊ Creamy baby ($118+3+25) ◊配料有三文魚、牛油果、雞蛋絲、豆腐、青瓜、木魚絲、蟹籽、炸蒜粒，配芥末乳酪沙律醬。加錢轉咗蕎麥麵同埋蘋果醋氣泡紅茶。蘋果醋氣泡紅茶冇另外落糖，所以飲落去都幾健康同清新。平時食呢啲魚生飯都淨係可以揀沙律菜或者壽司飯，呢度竟然可以揀蕎麥麵。每種配料嘅份量都好多，七彩繽紛感好啱打卡。三文魚食落有油脂香，其他配料增加咗唔同口感食每一啖麵都可以撈到唔同嘅配料，蟹籽仲黐住晒喺啲麵度，芥末乳酪沙律醬同所有配料都好夾，而且食落唔會好滯🤪美味程度: ㊣㊣㊣㊣.5/5◊ 自選bowl ($98+15) ◊配料有吞拿魚、雜錦香菇、甜粟米、中華沙律、木魚絲、炸蒜，配自製醬油。價錢配咗羅宋湯，味道偏酸。吞拿魚味道好新鮮，自選配料嘅選擇都好多，揀咗嘅呢幾樣都係平時食魚生飯常見嘅嘢，所以呢個配搭其實都好夾，不過以特別嚟計嘅話就上面嗰一款比較特別😬美味程度: ㊣㊣㊣㊣/5——————