一鳴拉麵

營業中

休息中

一鳴已經食過最少三次，每次過黎大埔都會諗到食呢間。有一次專登早啲黎唔使排隊，錯過左就要排隊，有次排左半個鐘都等，原因咪好食都等啦。一鳴好嘅地方係自己可以揀麵條、粗硬同配料。我自己本身鍾意食硬身啲，而師父真係跟足你指示去煮。呢碗係一鳴，即係豬骨湯底。如果第一次食可以先試左呢個先，飲一飲佢個湯。雖然唔係好濃，我就覺得好好飲。肉可以揀叉燒或者豬軟骨。我個人就比較鍾意叉燒，幾次都係揀左叉燒。每碗拉麵都有一隻溏心蛋，我比較鍾意少少少少流心偏熟，熟度啱啱好。呢碗係赤辛，辣度可以自己喺餐牌上揀，不過我自己覺得唔夠辣可以再辣啲，如果你鍾意食櫻花蝦，又食得辣，呢碗啱哂你。呢碗限定，每次黎到都唔同，撞啱今次係黑松露湯底，二話不說就嗌左呢碗。我係鍾意黑松露，不過呢碗確係麻麻地。小食方面全部中規中矩冇咩大特別，不過個人推薦佢嘅豆腐，外脆內軟。總括黎講做得唔錯，同埋價錢平，一百蚊有找，依家好難搵到呢個價錢嘅拉麵而係好食，希望佢可以keep住個水準。