影片
港鐵大埔墟站 A1 出口, 步行約7分鐘
繼續閱讀
電話號碼
63001810
開飯介紹
拉麵主要有五款湯底，麵條及麵質均可自由選擇，另有各類小食提供。
繼續閱讀
營業時間
今日營業
12:00 - 16:00
18:00 - 23:00
星期一至日
12:00 - 16:00
18:00 - 23:00
以上資料只供參考, 請與餐廳確認詳情
相關文章
一鳴已經食過最少三次，每次過黎大埔都會諗到食呢間。有一次專登早啲黎唔使排隊，錯過左就要排隊，有次排左半個鐘都等，原因咪好食都等啦。一鳴好嘅地方係自己可以揀麵條、粗硬同配料。我自己本身鍾意食硬身啲，而師父真係跟足你指示去煮。呢碗係一鳴，即係豬骨湯底。如果第一次食可以先試左呢個先，飲一飲佢個湯。雖然唔係好濃，我就覺得好好飲。肉可以揀叉燒或者豬軟骨。我個人就比較鍾意叉燒，幾次都係揀左叉燒。每碗拉麵都有一隻溏心蛋，我比較鍾意少少少少流心偏熟，熟度啱啱好。呢碗係赤辛，辣度可以自己喺餐牌上揀，不過我自己覺得唔夠辣可以再辣啲，如果你鍾意食櫻花蝦，又食得辣，呢碗啱哂你。呢碗限定，每次黎到都唔同，撞啱今次係黑松露湯底，二話不說就嗌左呢碗。我係鍾意黑松露，不過呢碗確係麻麻地。小食方面全部中規中矩冇咩大特別，不過個人推薦佢嘅豆腐，外脆內軟。總括黎講做得唔錯，同埋價錢平，一百蚊有找，依家好難搵到呢個價錢嘅拉麵而係好食，希望佢可以keep住個水準。
繼續閱讀
大埔人世高質拉麵店🍜有著日式裝潢嘅拉麵店，因為佢係啲橫行嗰度，所以都唔容易發現，都係大埔人帶我去先知有間咁高質嘅居酒屋 。佢最出名係拉麵，所以同朋友一齊試咗三款唔同湯底同埋加咗啲小食，我哋試咗豬骨濃湯、黑蒜湯底同埋松露湯底。我哋同樣都配咗曲麵同火炙豚肉，佢碗麵嘅配料有啲細蔥、木耳、紫菜、糖心蛋同埋微辣嘅秘製醬，如果唔食辣嘅朋友，記得係落單紙嗰到圈住唔要秘製醬喔 。三碗麵嘅湯底都非常濃郁，個豬骨湯底飲落超級厚，同埋可以掛到係啲麵到😋黑蒜同松露比超多，絕對唔孤寒🫶 火炙豚肉夠肉味同埋易咬開🫶我哋叫晒三個小食一齊share炸雞：夠大件，炸粉唔厚👍煎雞軟骨棒餃子：煎得均勻，皮夠薄唐揚豆腐：豆味濃，夠滑Joyfoodstop心動值：💓💓💓💓/5一鳴拉麵(香港)地址: 香港大埔運頭街20-26號廣安大廈地下E號舖電話: +852 63001810
繼續閱讀
你大埔晏晝有好多唔同嘅餐廳可以選擇見到門口有非常多人等緊嘅拉麵店，原來係同隔離嘅居酒屋同一間舖頭可以選擇食拉麵或者食日本丼飯午市價錢亦十分超值，比起市區十分化算。由於價錢比較親密，於是就試吓佢哋招牌五品刺身定食。五品刺身定食，包含了三文魚油甘魚珍寶赤海老帆立貝及北寄貝。刺身非常新鮮，分量亦十足。最推薦佢哋嘅珍寶赤海老，入口黏口，非常新鮮，另外油甘魚非常厚切， 係我食過數一數二厚切既油甘魚。另外我亦加咗$18可以選擇炸雞雞及雞軟骨餃子，呢個價錢簡直冇得輸。平時喺尖沙咀食過日本丼飯閒閒哋都要$300起跳。炸雞及煎雞軟骨棒餃子都係即叫即整，入口熱辣辣非常惹味。如果係學生過嚟嘅話，仲可以有$10優惠非常推薦。
繼續閱讀
茂名而來一鳴拉麵食咗餐 寫低紀念下空間比普遍拉麵店闊落 環境感覺乾淨坐低即上凍檸水 開胃又止渴下午茶時段 從落單到開餐大致10-15分鐘麵條：太麵硬度：普通細葱：普通木耳：要配料：豬軟骨唐辛醬：少量荽茜愛好者必試荽茜與豬骨湯底配搭意外地好食，湯底濃郁入味塘心蛋及豬軟骨同屬佳品 中上水平唐辛醬的辣味轉瞬即逝 勾起食欲同時唔會辣親喉嚨略嫌麵條唔夠彈牙 可能硬麵比較好咬咗啖先記得影相炸雞新鮮出爐 又香又多汁炸出嚟嘅外皮脆得嚟唔會刮口正整體可圈可點 會再來一試
繼續閱讀
明太子玉子燒玉子燒口感柔軟，明太子既鹹香同埋甜甜地既玉子燒都幾夾，內裏仲有芝士拉絲。角切魚生丼魚生丼上面既三文魚鮮甜，其他雜錦刺身新鮮，可惜刺身份量未算太多香菜拉麵湯底芫茜味濃郁，十分美味😋糖心蛋有流心環境氣氛很好，店舖不大但與日本的居酒屋好似
繼續閱讀
您可能會有興趣的...