影片
更多
2023-04-22
127 瀏覽
小妹媽由開返堂食開始已經話想食自助餐最後襯復活節假期帶咗佢完夢🤣屯馬線最篤篤嘅站間酒店都算新以火車做主題啱晒小朋友打卡(酒店lobby都有好幾度㗎)呢到麻雀雖小 但五臟俱全海鮮自助晚餐慶典 $498 (折後連加一 $423)刺身/ 壽司區當晚有蟹棒、八爪魚、吞拿魚、三文魚同鯛魚都算幾大路 三文魚啲紋路幾靚吞拿魚正常發揮 而八爪魚都夠爽口同埋3款刺身解凍良好每人每次每款3片 份量都合理海鮮區雪場蟹腳、翡翠螺、蜆、凍蝦、青口除咗青口 其他都有試蟹腳鮮甜可口 而且每張枱都有較剪同濕紙巾都算方便處理同食用翡翠螺爽口彈牙 點埋茄醬一流側邊亦有竹籤提供蜆正常發揮而凍蝦肉質都夠爽彈前菜區有煙三文魚、蒜味螺肉、中華沙律、火腿、鴨胸、辣肉腸、鬆餅等等而後面仲有泡菜同沙律湯品總共有3款猴頭菇茶樹菇排骨燉湯、西洋菜豬骨湯同周打魚海鮮湯小妹同小妹媽都係湯怪食自助餐必飲我飲咗燉湯 小妹媽直頭飲咗各1😂燉湯嘅味比較濃 有老火湯嘅感覺每碗嘅料都唔少 有肉又有菇西洋菜湯味道冇咁重 比較清甜周打魚湯無論味道同稠杰度都啱啱好現切肉區西冷牛扒、火腿扒西冷肉質都幾軟腍而且佢唔吝嗇 切得都幾厚有燒汁/ 黑椒汁做自選醬料亦可以加
小妹媽由開返堂食開始已經話想食自助餐
最後襯復活節假期帶咗佢完夢🤣
屯馬線最篤篤嘅站
間酒店都算新以火車做主題
啱晒小朋友打卡
(酒店lobby都有好幾度㗎)
呢到麻雀雖小 但五臟俱全
海鮮自助晚餐慶典 $498 (折後連加一 $423)
刺身/ 壽司區當晚有蟹棒、八爪魚、吞拿魚、三文魚同鯛魚
都算幾大路 三文魚啲紋路幾靚
吞拿魚正常發揮 而八爪魚都夠爽口
同埋3款刺身解凍良好
每人每次每款3片 份量都合理
海鮮區雪場蟹腳、翡翠螺、蜆、凍蝦、青口
除咗青口 其他都有試
蟹腳鮮甜可口 而且每張枱都有較剪同濕紙巾
都算方便處理同食用
翡翠螺爽口彈牙 點埋茄醬一流
側邊亦有竹籤提供
蜆正常發揮
而凍蝦肉質都夠爽彈
前菜區有煙三文魚、蒜味螺肉、中華沙律、火腿、鴨胸、辣肉腸、鬆餅等等
而後面仲有泡菜同沙律
湯品總共有3款
猴頭菇茶樹菇排骨燉湯、西洋菜豬骨湯同周打魚海鮮湯
小妹同小妹媽都係湯怪
食自助餐必飲
我飲咗燉湯 小妹媽直頭飲咗各1😂
燉湯嘅味比較濃 有老火湯嘅感覺
每碗嘅料都唔少 有肉又有菇
西洋菜湯味道冇咁重 比較清甜
周打魚湯無論味道同稠杰度都啱啱好
現切肉區西冷牛扒、火腿扒
西冷肉質都幾軟腍
而且佢唔吝嗇 切得都幾厚
有燒汁/ 黑椒汁做自選醬料
亦可以加黃芥末做點綴
熟食區芝士扇貝、海上鮮 (即係蒸班塊)、羊架、紅酒燴牛尾、串燒
推蒸班同羊架！
因為班真係夠滑
唔怪之得第1 round出去嗰陣已被清碟🤣
亦有小插曲 話說夾夾吓隔離就見捧一碟新嘅出嚟
我就去夾啦 隔離負責意粉嘅姐姐提我記得潷豉油
仲主動拎埋隻羮出嚟 呢啲抵讚👍🏿 做多一步就係貼心
而羊架夠肥美軟嫩 生熟度啱啱好 羶味又唔覺十分重
牛尾夠腍
芝士扇貝夠香 帶子肉都夠爽口
串燒就正常
即叫即煮區見都唔少人點意粉 賣相幾好 但我哋就無試
飲品區分別係橙汁、凍水、凍紅茶同雜果賓治
橙汁少少甜
凍紅茶味道都幾濃
而雜果賓治正常
Movenpick雪糕專人服務區都有好幾款味
包括薄荷朱古力、瑞士朱古力、雲呢拿、藍莓芝士蛋糕同士多啤梨
當然要咗王牌🍓同超濃瑞士🍫🍨
雪糕櫃雖然有movenpick區
但呢度嘅口味都唔少 而且幾大眾化
有芒果、曲奇、雲呢拿等等
DIY甜品區窩芙、朱古力噴泉同班戟當中
我淨係試咗最後嗰款
部機係揮手即製 需要等
但佢下面個mon就大約話你聽去到第幾步
加牛油同糖漿已ok 有少少似熱香餅🥞
甜品/ 水果櫃拎咗3件1口size嘅cake
藍莓芝士蛋糕上邊嘅藍莓醬都幾多
朱古力嗰款有啲似brownie
另外一款係朱古力芝士蛋糕加餅底正常發揮
打卡位餐廳亦有劃分室外區for打卡用
有啲燈呀櫈呀燈呀櫈呀燈呀櫈咁
見唔少家長同小朋友影相
小朋友、情侶或屋企人留個倩影都唔錯📸
節日活動
由於當日係復活節期間
每位小朋友都可以參加工作坊
自己設計復活蛋
如果有興趣嘅嗲哋媽咪們
記得擇好日子 留意定官網睇吓有冇活動啦
加分欄
⭕️ 收碟快
⭕️ 主動
✅ 加一服務費
✅ 節日活動
✅ 自助午、晚餐及半自助午、晚餐75折
張貼
