港滙軒

營業中

休息中

星期日放假老公帶我去尖沙咀半日遊，首先過嚟呢度歎茶食點心，再去訊號山公園參觀訊號塔  行下街😁 酒樓原身門口佈置幾靚，挺適合婚宴。剛好撞正有人搞午市婚宴，連埋散客座位近乎爆滿 ！雖然坐唔到窗邊，但環境開揚，遠望都一樣望到藍天白雲！ 茶款有幾款較少見 ， 例如荔枝紅茶、人參烏龍、小青桔。我地依舊擇普洱茶，濃而不澀又可解膩。 傳統點心、新派創意點心都有叫～ 💫叉燒酥 金黃色非常誘人 ，酥皮鬆化香口 💫流沙奶黃皇包 餡料好似流沙咁流出黎，出奇地味道唔係傳統奶皇蛋黃味，而是芒果口味，甜甜地。 💫脆皮皇子乳鴿表皮薄脆 ，咬時發出咔咔聲 ，鴿肉嫰滑 ！💫鮮淮山雞扎 原身係一籠兩件，老公手快快夾走左🤣一開始以為黎錯，明明係鮮淮山雞扎點解會變咗芋頭，原來卷住雞扎個片就係鮮准山🫢 👍💫金魚餃金魚賣相討好😍 皮身會比一般蝦餃厚實，口感煙韌，蝦肉餡混合紅蘿蔔粒、西芹。 一定要襯熱食，否則表皮會變硬。 💫啤梨咸水角啤梨造型夠可愛 ，中間插住百力滋， 外面炸到脆口， 入口軟糯，餡料夠味！💫兔仔椰汁紅豆糕哈哈 點解兔仔變左倉鼠🤣🤣椰汁糕唔夠實，偏軟身，紅豆粒雪到非常硬。