港滙軒

今晚同朋友尖沙咀行街，有點累，看下時間差不多吃晚餐，想去那兒吃，之前一直想去這間吃，就即興上了去，上到去，環境好有舒服感，高空看到夜景，坐位寬倘，坐下，看了一會餐牌叫了大排檔椒鹽花姿片 大片，炸到金黄色，厚身墨魚片，入口煙韌彈牙，濃椒鹽香味同鮮香墨魚味，好有大排檔風味三蝦乾撈粉絲煲  粉絲幼身，炒得乾爽香口，鮮香粉味，少有一次過吃到3種不同口味的蝦，每隻蝦同蝦米彈滑爽脆，特别濃香鮮蝦鮮味大澳蝦乾唐生菜煲  片片大塊，嫩爽彈滑，濃新鮮鮮菜鮮味同蝦乾香味，菜身獨特醬料香味腐竹糖水  飯後酒樓待應取出來，原來贈送甜品，清香腐竹味，甜味剛好…查看更多

今晚放工約了朋友在尖沙咀食晚飯,  預祝中秋, 特別揀了一間近地鐵站的酒家. 港滙軒, 酒家門面闊,  裝潢亮麗.  裝潢甚有氣派, 燈飾設計靚,  面積大,  樓底高,重有 270 度維港海景, 食飯看美景, 賞心樂事.大廳設有四人圓枱, 亦有十多人的大圓枱, 氣氛好好.廳堂高雅大方,  適合朋友, 家庭飯局聚會, 喜宴聯歡. 部長送來餐牌, 大家看看, 有魚翅, 鮑魚, 燒味, 海鮮, 小菜, 選擇無難度.   晚飯有散叫, 亦都有套餐, 豐儉由人.招呼親切, 先開茶及送上花生小食, 我們點了鐵觀音茶, 水滾茶香.今日有晚飯呈獻:  御廚組合 $488, 有龍蝦半隻, 燒鵝或潮式滷水鵝, 好岩食啊.先送上  金銀蒜開邊蒸本龍蝦, 一隻, 每位半隻. 龍蝦新鮮,  厚肉香甜,   龍蝦肉質爽口彈牙, 蒜香好味.  真不錯.潮式滷水鵝,  伴有 滷水豆腐.  滷水鵝色澤鮮明,  肥瘦適中, 油潤軟滑. 用上正宗潮式古法鹵水汁烹煮, 鵝肉好入味, 肉質油脂感都豐富, 嫩滑可口.  鹵水香料咸度適中, 調味好好.鵝肉去骨好入味.  又稔又好食.碟底有鹵豆腐, 同樣鹵得入味, 又滑又有豆香.  清蒸東升斑一條,   熱騰騰上, 好鮮呀. 時間蒸得岩岩好,  魚肉嫩滑有彈性.  肉質鮮美, 充滿魚味但又不會腥,  配以豉油熟油綻的蔥花, 更香, 更美味.絲苗白飯, 用上鍋仔蒸飯,  粒粒分明, 更有飯香, 伴上東升斑一起吃, 好滋味.餐後送甜品,  蓮子紅豆沙, 每人一碗.  紅豆味香濃,  不太甜, 好滿意.酒家環境舒適,  食物價錢公道,  烹調很好!    店員服務態度認真, 值得再來.…查看更多

酒樓在國際廣場高層，坐擁270°維港海景，尤其是華燈初上的傍晚，中環的燈色特別熣燦奪目。酒樓裝修高雅華麗，枱與枱的空間闊落，坐位舒適。茗茶用慢火保溫，相當貼心。很多酒樓都有特惠晚餐菜式，這裏也不例外，我便點了超值龍蝦。「金銀蒜蒸開邊本灣龍蝦」本地開邊龍蝦，勝在夠新鮮，肉質特別幼嫩，口感極佳，啖啖鮮味，加上蒜蓉調味，色香味俱全。「港滙燒鵝皇」雖然是例牌，但份量不少，厚肉大件，外皮烤得脆卜卜，肉質鮮嫩多汁，讓人有驚喜，是必食之選。「鮮菠蘿咕嚕肉」選用梅頭豬肉，肥瘦適中。炸粉很薄，新鮮即炸，非常脆口，配上新鮮菠蘿及酸甜芡汁，是道開胃菜式。「鍋仔絲苗白飯」絲苗白飯用瓦鍋蒸好，飯粒分明爽口，有煲仔飯口感。這裏的食材優質，製作認真，再加上環境高雅，服務體貼，是享用高級粵菜的好地方。…查看更多

家人安排的晚飯，對著迷人的維多利亞海景，品嚐著精緻菜餚，人生一樂也！晚市呈獻二選一$38（位）金銀蒜開邊蒸本灣龍蝦~鮮甜爽彈的龍蝦用上金銀蒜與甘香豉油，是完美的組合。鮮菠蘿咕嚕肉~入口酥脆的咕嚕肉，掛起適度的甜酸汁，可見大廚滿分的廚藝，很讚！黃金魚皮蝦球~魚皮香脆，蝦球外脆肉嫩，兩者都匀均地披上黃金金沙，不單美味可口，色澤也亮麗極了！鮮菌海參炆伊麵~味道很鮮美的炆伊麵，炆得入味又不糊口，配搭滋陰養顏的海參和鮮菌，令平凡中的伊麵顯得不平凡。八味豆腐~雖然我的味蕾吃不出八種味道，但吃到嫩滑豆腐和鹹香酥脆的豆腐表層。腐竹糖水~清甜又滋養潤肺，口感綿密順滑，十分可口，免費奉客。…查看更多

好耐冇同謙謙尖沙咀見佢唔洗補習我地行完街就係 ISQUARE 24樓嘅港滙軒食晚飯，呢到望住超大的落地玻璃景色一流，但最好來之前訂枱因晚飯時間都幾多人。✡️ 蜜汁叉燒王 ～ 呢到嘅叉燒王肉質軟嫩帶有濃稠嘅蜜汁，外層帶有烤過嘅焦香，肥瘦比例剛好。✡️ 三蝦乾撈粉絲煲 ～ 三蝦乾撈，粉絲夠乾身爽口，鮮蝦爽脆夠彈牙和蝦乾充滿咸鮮味。 ✡️ 大澳唐生菜煲 ～ 蝦乾和肉碎嘅鹹香與生菜的清脆交織，味道濃郁且層次豐富。蝦乾提供濃厚的鮮味與煲煮後軟化的唐生菜形成對比。✡️ 黑芝麻卷 ～ 黑芝麻卷口感軟糯Q彈又香滑，每一件都充滿濃郁的芝麻香氣。…查看更多

港匯軒．必食秘製皇子鴿！尋日同老友約埋食晚飯，揀咗尖沙咀一間口碑好好嘅港匯軒，坐低睇 menu 即刻被幾款招牌吸引，點完上菜後簡直驚喜不斷，出品唔錯，水準高企！首先要大力推介呢隻秘製皇子鴿，上台時仲熱辣辣冒住香氣，鴿皮烤得金黃油亮，拎起個時仲會「滋滋」漏油！咬落第一啖就爆汁，皮脆卜卜，肉質嫩到出水，完全唔會乾柴。秘製醬料滲透每一寸肉，鹹香帶少少甜，仲有淡淡的中藥香提味，食完一隻仲想 encore，真係食過返尋味！之後上嘅三蝦乾撈粉絲煲同樣出色！粉絲吸飽咗蝦油同醬汁，乾身彈牙唔會結團，裡面有新鮮蝦仁、蝦米同蝦乾，三重蝦鮮疊加，調味鹹甜適中，鮮味上腦！勁有鍋氣，拌勻後每條粉絲都掛住醬料同蝦香，一口接一口停唔到，最後連煲底都舔得乾乾淨淨。仲有大排檔椒鹽花姿片，魚片切得厚薄均勻，外層炸得香脆，內裡魚肉雪白嫩滑，juicy 到咬開有汁流出！椒鹽調味夠晒惹味，帶少少蒜香同胡椒香，唔會太鹹，完美突出魚肉本身嘅鮮甜。今次同朋友喺港匯軒嘅晚飯體驗真係超正，三道菜各有特色，冇一樣踩雷！1.秘製皇子鴿(1隻)2.三蝦乾撈粉絲煲(例)3.大排檔椒鹽花姿片茶芥 $28餐廳：港匯軒地址：尖沙咀彌敦道63號iSQUARE國際廣場24樓…查看更多

朋友從外國回港探親，話好掛住香港的中餐，今日特意為佢準備了一個可以邊望維多利亞港夜景邊食中菜邊暢談。地點位於尖沙咀，地鐵站一出就到商場，餐廳係高樓層，裡面270度都可以睇到海景，整個廳闊落坐得舒服。三蝦乾撈粉絲煲鮮蝦彈牙，蝦乾鹹香，粉絲幼細而且乾身爽口，吸滿蝦的香味而不油膩，配上蔬菜，口感豐富經典回味蜜汁叉燒皇肥瘦均勻，色澤油潤，外面微微燶脆，滿有焦香，蜜汁甜度恰到好處，加上叉燒醬汁平衡甜鹹度，不會過於濃味，呈現港式叉燒的經典風味蒜蓉粉絲蒸大元貝蒜蓉香味濃郁，元貝鮮味，粉絲索滿精華，非常惹味，蒜蓉粉絲真是元貝的絕配平日都好多枱客，呢度仲有套餐、大閘蟹放題、適合家庭朋友一齊享用。邊食邊傾計，快樂不知時日過，下次要等你再返嚟再聚再去食好東西。…查看更多

尖沙咀港滙軒，環境舒適，裝修典雅，加上可以望到維港景色，一坐低已經感覺到氣氛好溫馨。蝦乾撈粉絲煲，一上枱已經聞到陣陣蝦乾香，食落啖啖鮮味，粉絲吸晒蝦乾同醬汁嘅精華，真係好入味，啲粉絲質感好Q彈唔會過淋，每口都好有層次。蜜汁叉燒皇完全係今餐亮點，叉燒一入口超級Juicy，肥瘦適中，每片都帶微微焦香，令整體更加香口，啲叉燒細緻嫩滑，同蜜汁一齊食真係好爽。話梅鮮淮山屬於清新一點嘅冷盤，淮山好爽口，帶住淡淡嘅話梅酸甜味，好開胃，食完有解膩作用。…查看更多

服務極度混亂。我地19:30入坐，半個鐘內有三個人來問飲咩茶，但等到20:00都仲未有茶...仲要係平日，個場都冇坐爆...上大閘蟹速度勁慢。我地總共叫左三輪，每一輪都要等半個鐘以上。佢地話賣單半個鐘前last order，我地20:45已經提早落單，但等到21:30啲人就開始趕收場、執枱，完全唔理啲客。我地催單催左四五次，中途仲有服務員扮睇唔到，結果等左個幾鐘，等到10點先上最後一輪。服務態度差。21:30之後全部人響到詐傻扮懵。我地每催一次就要再重覆一次落左咩，最離譜係有個服務員仲講：「咁慘呀，等咁耐都未有…」聽到真係笑唔出。我地超晒時，都冇人來催我地走，又冇人跟單。真心懷疑佢哋明知最後一輪未上，但想我地等到自己走，可以慳返幾隻大閘蟹。講真，又要做放題任食，又要專登拖慢上菜時間、漏單來慳錢，真係好難睇。真心唔建議大家去食，除非你想同啲人鬥志鬥力，同埋夜晚太多時間冇野做可以慢慢等上菜。…查看更多

話說最近同屋企人去咗呢間望住無敵海景嘅酒樓，環境真係冇得輸，夜晚維港景致一流！🥂 🦞 金銀蒜開邊蒸本灣龍蝦 (半隻)近排做緊優惠， $38半隻，啲金銀蒜鋪滿晒成隻龍蝦，濃郁蒜香，帶有海鮮嘅鮮甜味，肉質緊實彈牙，底部嘅汁用嚟撈飯真係食到舔舔脷！🥩 焦點推介：蜜汁叉燒皇 (碟)色澤紅潤亮麗，賣相滿分！夾起一舊，肥瘦均勻，望到中間嗰層半肥肉已經流晒口水！入口嗰下，外層蜜汁夠香甜，帶少少焦邊嘅脆口，肉質完全唔柴，軟腡帶有肉汁，帶有炭燒香氣🍍 開胃小炒：鮮菠蘿咕嚕肉 (例)鑊氣十足！咕嚕肉炸到外層酥脆，但裏面嘅肉仲係嫩滑嘅。最重要係個醬汁，酸甜度調得剛剛好，唔會過酸搶咗肉味，而且真係用咗新鮮菠蘿，令成碟菜清新咗好多…查看更多

📍 港滙軒 - 尖沙咀今日上到嚟尖沙咀國際廣場既24樓食飯！夜晚係望住維港嘅夜景，望住香港嘅燈飾望住維港嘅海食飯🥢🥢依個高度可以俯視晒成個維港嘅景色一路食飯一路望住咁靚嘅香港夜景🌃心情都特別開朗🩷呢度好適合一家人嘅家庭聚會，亦都好適合朋友嘅聚會，呢度嘅晚餐菜式亦都好多款可以揀，亦都有四人至六人至12人嘅套餐，咁就可以多一個選擇🥢🥢🥢✨大澳唐生菜煲｛$138｝一上枱已經沙沙聲，超級熱辣辣，而且唐生菜嫩綠，入邊仲有蝦乾肉碎，用嚟撈飯一流，味道亦都唔會剩係得死鹹，唐生菜份量亦都好多，加入咗大澳嘅蝦醬嚟去炒，全部都好入味🥬🥬✨三蝦乾撈粉絲煲｛$168｝蝦乾大粒彈牙到識跳舞，粉絲吸晒蟹香精華，食到停唔到手！✨蜜汁叉燒皇｛$188/例｝個人推介一定要點叉燒皇，半肥瘦啱啱好，肉質微微軟腍，而每一舊叉燒都充滿香甜蜜汁味，表面再帶少少焦香，好食！…查看更多

好耐冇食中菜，有一位朋友非常中意食中菜，我一諗就諗起尖沙咀依間港滙軒，環境都幾大又乾淨企理✨重點係可以眺望海景，成件事好享受🤩✿ 藜麥合桃有機菠菜朋友好中意食菜，藜麥同合桃兩樣食材麵爽口，加埋有機菠菜又好健康💚✿ 蜜汁叉燒皇 叉燒切片厚薄適中，肉質紋理分明。蜜汁濃郁但吾會太甜，入口先系焦香，再後系層次分明嘅甜味同豬肉鮮香🐷肉質柔嫩多汁。✿ 香芒大蝦球 蝦球裡面有一層金黃薄漿💛外脆內嫩。芒果果香同蝦肉鮮味交融🦐醬汁以沙律醬為主，甜中帶酸。✿ 金銀蒜開邊蒸本灣龍蝦龍蝦鋪滿炸蒜，色澤同層次都分明。鮮甜彈牙，保留海鮮本身香氣。龍蝦肉彈性十足🦞金蒜帶酥脆口感。…查看更多

香芝叉燒酥＄1，日日都有唔同點心做優惠，1蚊黎講真係無敵優惠。外層上都幾香口同，入面有一塊一塊既叉燒，美道上都我。雪茄蝦春卷，外層都幾香脆，仲可以打卡，外形真係好似雪茄，入面仲有大蝦同粉絲菜等材料都相當之豐富。脆皮鮮蝦紅米腸，做到內脆外軟，内層炸一絲絲脆漿夠香口，食到香脆。外面腸粉仲好香。港匯蝦餃皇，粒粒都夠大隻，大蝦夠哂爽口彈牙。蟹籽燒賣皇，內有幾多豬肉真材實料。醬皇金錢肚，夠哂入味。蜜汁叉燒包，包夠鬆軟，有粒粒叉燒。…查看更多

一年一度食大閘蟹的季節，坊間有好多大閘蟹放題，但朋友話想坐得舒服d，又可以望住維港食，就約左去港匯軒。 120分鐘到底可以食到幾多隻呢?  入座後，立刻點大閘蟹，有清蒸、花雕蒸、鹽油焗，在等候期間，每位客人可先享用鮑汁六頭鮑魚扣玉掌1客、滋補養生燉湯1客。任食的還有京式片皮鴨，見到服務員不停在片，也是後段供應的較有鴨香，另有蟹粉扒時蔬、蟹粉小籠包、荷香珍珠雞、蟹粉拌麵、奶皇包、馬拉糕、薑茶湯丸等，更可任飲指定啤酒及汽水。  即叫即蒸，第一輪大閘蟹大約都等候了廿分鐘左右，但上桌時只是暖暖的，蟹肉有點散，感覺不太新鮮，差不多尾輪時才是熱烘烘的，而且蟹肉也較飽滿實淨。 清蒸的鮮甜，花雕的沒甚麼味道，鹽焗的較乾身，還是清蒸的最好吃，這晚全是蟹公，蟹黃軟滑。 …查看更多

前幾晚同朋友去咗Isquare 嘅港滙軒，酒樓景色好開揚，一坐低就望到成個維港靚景，夜晚維港兩岸啲燈飾閃閃吓，同朋友一路食飯一路吹水，真係夠晒寫意。晚市優惠試咗金銀蒜開邊蒸本灣龍蝦，$38半隻，性價比高。龍蝦蒸得剛剛好，蒜蓉嘅香味同龍蝦嘅鮮味完美結合，肉質爽彈又鮮甜，食落好滿足。主菜叫咗個深海龍躉兩味組合（$468），一次過試到兩種煮法。兩款嘅龍躉肉都結實鮮嫩，食得出係新鮮貨。翡翠炒大龍躉球嘅龍躉球炒得啱啱好，魚肉又起哂骨啖啖肉，配埋蜜糖豆一齊炒，口感豐富；黃椒醬蒸龍躉頭腩就用咗黃椒醬蒸，頭腩部位肥美嫩滑，配埋木耳一齊蒸，簡單就是美味。龍躉兩味都做得唔錯，鍾意食魚嘅朋友可以一試。另外叫左兩個小菜。咕嚕肉酸甜適中，外皮脆口，肉質軟嫩，菠蘿用左新鮮菠蘿所以好夠甜之餘甜度好自然，兩者夾住食，味道更加豐富。三蝦乾撈粉絲煲味道就不過不失。宜家市道咁差，但酒樓當晚平日夜晚都全場爆滿，佢另外有做緊個$628/位，限時2小時嘅大閘蟹放題，眼見都唔小人食，都叫做可以有唔錯質素嘅食物配下美景，算係同朋友聚餐或者家庭聚會嘅好選擇！…查看更多