港滙軒

營業中

休息中

見youtube介紹有4人餐， 蛇羹羊腩煲 好似好正， 咁就約朋友去試下啦 真係畀人呃 ， 第一道菜 得12隻蝦 都冇影出嚟咁多隻 又係呃人， 鮑魚冇味， 羊腩煲 全部都係肉 味道係可以， 蒸魚合格 但係條魚都係冇魚味， 最後係臘味煲仔飯， 算係正常，影片中， 係咁話247蚊 ，原來係未計加一茶芥 加埋要三百幾蚊， 覺得有啲畀人呃咗

呢間野真係快 7點坐低叫起菜就黎料 第一度上個湯都ok 唔錯 但問侍應好似咩都唔知 問佢咩湯又答我唔到 侍應仲叫我睇返個套餐牌 好啦 滿心歡喜期待個大閘蟹終於等到啦 等左15分鍾有得食主打大閘蟹 蟹係唔錯 但我仲食緊第一隻蟹既膏時 出菜速度就開始以驚人時速出嚟 所有野5分鐘內出哂 侍應仲要張啲碟死塞爛塞 塞到成枱係餸 呢啲係香港酒樓標準？ common sense啦點會一次過出哂架 咁當然無咁快食到其他野 所有野放超過一小時先食到 擺都擺到凍哂 同侍應講扮聽唔到無反應 頂佢個肺 仲要窗台邊有好多小強 呢間野唔會再去

受到網紅史提芬梁口沫橫飛的推薦，一家五口人（包括8歲孫女）上星期日到港匯軒吃了988元的四人餐。籠子白灼蝦十只左右，與那個大蒸籠比較顯得很寒酸，而且不新鮮，是雪藏過的！接着經理捧上四小碗蛇羹，我問只有四碗？他冷冰冰的說：是四位餐！以我多次類似經驗，侍應見有五位，一定會分五份上的。我們那四小碗，也只有七八分滿，經理應該把那窩蛇羹送上台當我們面分配，起碼也說一句已經沒有了。要命的是，蛇羹一些也不熱，和那經理的態度一樣冷冷的！這個檔次的酒樓，上蒸魚時是會用餐具替客人稍作處理的，又是那經理，放下就走開，連一句請慢用也懶開他的金口！羊腩煲味道不错，但太鹹了！倒是臘味煲仔飯有水準，臘味新鮮，有飯焦。到結帳時，20元一位茶已是同檔次酒樓之冠，最不能理解是每位8元"芥"，五位盛惠40元，這個收費也是同行之冠！所謂"芥", 只有一小碟酸黃瓜和辣椒醬而巳！結論是：1, 網紅推介信不過！2, 第一次也是最後一次光顧港匯軒。3, 更加堅定北上消費的信心。

呢間餐廳第一次黎食，諗住佢環境靚又望到海景應該都唔差，同屋企人黎食一係唔食叫左個六人餐，本身平時食套餐既餐廳上菜速度都算好正常，起碼唔會等成個鐘先出到菜，而呢間餐廳上左一半菜都正常出餐，去到食其中一味好似炒飯既菜式既時候，服務已經麻麻職員好似無訓練過甘就亂甘出菜，我地未食完正餐就俾甜品我地，之後出錯左又拎反走，最勁既係等果個炒飯竟然等左成個鐘追左成個鐘都未上到，到底餐廳係無買材料？廚師唔夠？食材唔夠？定係炒飯既材料未買齊？老實講isquare24樓如果質素係甘...真係好難令到食客再想黎食而且又唔係特別平...建議餐廳改善一下。而且隻鴨既肉質係梅既..

一生人一次既事唔想有遺憾，最好揀間設備好啲既地方擺。明明開席前試過曬啲燈光效果冇問題 ，但係都可以係最重要既時刻壞左，冇任何後備方案。淨係一句：哎呀 sor壞左呀咁做新人既唯有硬食。

呢餐係老豆既生日飯，結果非常失望😞有個有鄉音嘅阿叔嚟落單，語氣都麻麻地，屋企人有啲嘢唔食得，我哋落單都好小心，結果落漏單、落錯單、菜又上得慢。叫$688套餐有條斑 & 片皮鴨，問片皮鴨有冇得二食？要炆涼瓜！結果上左生菜話佢哋一向無涼瓜(落單佢無講)但入面有放到冬菇，屋企人唔食得，所以都係退左。落漏鮑魚雞煲 & 客家煎釀豆腐，因為唔想等咁耐而除消左。問佢有咩菜可以快上？佢推薦返一開始話屋企唔食得既菜式⋯⋯最後買單係最有效率！5個人$1900，令老豆失望、食左肚氣。我點解要堅持留港消費⋯⋯

我喜歡呢度的點心，非常之有水準，特別推薦係港式胡椒豬肚，豬肚夠腍，而且有濃烈嘅胡椒味，個湯一定要飲，咖喱金錢肚，金錢肚炆得夠腍，而且咖喱汁剛剛好，真係做得非常好，仲有係春卷同埋腸粉，我覺得好欣賞，蝦夠新鮮同腸皮夠薄，所有嘅點心我都好滿意，我覺得廚師好有心機，好欣賞呢度嘅點心，值得推薦。但甜品就比較遜色，我覺得略為過甜。店內環境非常之好，而且仲有海景，裝修非常之現代感，而且三面都係落地大玻璃，睇到整個香港嘅景色，非常優美。望住咁靚嘅景色食飯，特別開心同開胃。服務態度非常之有禮貌，而且仲好貼心，同好有耐性

之前睇食評，已有多人投訴呢間酒樓“服務態度差“，我都打個底先，因為朋友想試，我前一日傍晚打去book位，問多一句“下午茶“D點心會唔會“比較少選擇“，聽電話個位女士就好唔耐煩，禮貌＋態度已經feel到唔likey，但我同朋友照舊去食，結果竟有D反差。我同個朋友兩條友，一共叫左11樣野，因為大家都不斷吹水講近況，就忽略左細味品嚐D點心，但我地兩個一致認為“黑豚脆皮包“就唔太ok，底層個皮好厚，明顯整定左，一有order就翻叮！其實每樣點心都比較貴，同食物質素有D唔成正比，性價比麻麻地，只有賣相，無太驚艷既感覺。黎呢度食，食物其次，主要賣景觀。之前預左樓面姐姐態度未必好，真係如食評D人所講一樣，呢度既阿姐普遍年紀較大，似出面普通茶樓個D姐姐。。。。但我地當日要求幫手攞“豆瓣醬“，幫手“影相“，阿姐都無托手踭，令我地好“驚喜“。。。。。應該酒店有提醒D阿姐既態度。因為姐姐態度比想像好，特別提高評價

今晚約朋友尖沙咀聚會，朋友book咗iSquare 中式酒樓。一入去見到朋友book咗張海景view嘅枱，有180度海景…正👍椒鹽豆腐，基本上冇走雞，外脆內滑，不過我覺得細粒咗少少。燒腩仔，呢個係全瘦燒腩仔，少咗啲肥唔夠均勻，不過啲味道算幾好。片皮鴨，啲皮唔夠脆，但係啲鴨肉未都幾濃。伴碟除咗有青瓜京蔥外，仲有哈密瓜同花生糖。我都係較為鍾意傳統伴碟，當然多個選擇都好。侍應不斷sell冬瓜盅好多料，可能佢切得大大粒，我覺得唔算多料，只係多咗幾隻鮑魚。味道算係一般。粉絲蒸扇貝，算大隻同埋味道生熟度啱啱好。東昇斑蒸得啱啱熟，都幾好味。酥炸台山蠔，正常水準。整體嚟講呢餐算係幾滿意，味道都算中上，環境舒服、又有海景，唔錯。

星期四中午，walk-in 呢間酒樓，環境好坐得舒服，但係食物質素麻麻，鳳爪辣到不得了，蘿蔔糕鹹到不得了，腸粉簡直係BB腸，好細條，好彩燒賣和鮮竹卷正常，都係冇位先去食啦😅

午餐時間去呢間野D食物真係唔係好掂， 兩名男員工部長真係少見冇禮貌 叉燒凍既小小柴皮成惠百幾蚊，上湯菜心算合格， 椒鹽魷魚鬚油淋淋唔脆嘅兼無椒鹽味， 蝦餃燒賣上算合熱辣辣， 腐皮卷好味夠淋嘅 嗰個蝴蝶蘿蔔絲硬D唔鬆軟蘿蔔幾條有啲苦不合格， 芝麻湯丸麻麻地， 芝麻卷冇芝麻味質地又差差地總括嚟講價錢貴服務差質素唔合格浪費了個靚景其實已經降低咗要求但要講出事實真相留港消費助長經濟都要合符標準

啤梨咸水角(中點）味道同平時食開既咸水角差唔多，但勝在賣相好特別，有心思。紫醉金迷鳳眼餃 $58皮薄，入面包住好多蝦肉，上面有大大粒帶子同蟹子，口感豐富。蝴蝶蘿白絲酥 $48表皮酥脆，咬開條條蘿白絲，保留左蘿白清爽既口感。原粒瑤柱魚翅灌湯餃 $68超級推介佢地既灌湯餃，大大隻，個湯好香瑤柱味，仲食到啖啖瑤柱，好足料，好味到飲清晒個湯！脆皮鮮蝦紅米腸 $68腸粉皮唔算好薄，但入面好脆口，連埋蝦肉一啖咬落去，層次豐富。黑豚脆皮包 $48外皮夠脆，味道同叉燒餐包差唔多。呢間酒樓景觀一流，可以望到維港景色，不過建議預早一日訂位，因為好多人等位，午餐時段我地都等左超過半個鐘先有得入座。

屋企人生日🎂我地一行十人 有人食素特登搵左間有肉又有素食嘅餐廳本身貪佢有窗邊靚景 book枱時詢問後得知如要指定位置就要消費人均$500我地因為太忙 都算遲 前一日先book最後因為平日關係 幸運地安排了窗邊位置位置舒適 環境衛生 而且唔算多人我地嗌左個<片皮鴨深海大龍躉宴>套餐＄2388再額外加幾個菜套餐都豐富，包括：⭐️花膠海味羹⭐️足料惹味，無跟醋要嗌人俾⭐️京式片皮鴨⭐️鴨皮薄脆油香鴨肉厚實薄皮都夠十人每人2-3件食有附准鹽醬汁，出色⭐️醬皇碧綠炒花姿蚌片⭐️醬汁好惹味，蚌片鮮味出⭐️鴛鴦戲水大蝦球⭐️因為唔夠分，我淨食左黃金蝦球，都香口蛋黃味重，如果可以有多幾舊試埋另一味道就好⭐️花開富貴生菜包⭐️夾埋食係幾好味道，不過其實入面似上海炒年糕嘅味道，如果有得揀，唔會特別嗌呢道菜⭐️濃湯野菌鮮百合浸翡翠⭐️上湯係飲得出雞白湯味，屋企人表示中意食，清淡者會好⭐️蔥花豉油雞⭐️出色，雞肉嫩滑，豉油味特別皮脆而薄炸子雞再點醬，一流，小油⭐️港式招牌炒絲苗⭐️素食者用，無特別⭐️鴛鴦甜美點⭐️紅棗糕及芝麻卷唔夠分所以淨試左芝麻卷 好食 唔會超級甜 有層次⭐️紅棗雲耳蒸龍躉頭腩⭐️魚肉滑嫩，半肥瘦，帶骨，都好食套

食物: 叫了5樣點心: 1. 牛肉球: 正常味道。2. 炸竽角: 食咗一啖，有浸怪味，退了。3. 蘿蔔糕: 咸，冇蘿蔔味。3舊食剩一舊。4. 綿花雞: 味道算正常，一舊大雞。5. 黑色义燒包: 算是特色义烧包中最難食的。皮干，咸，冇味。服務1. 等了半个鐘义燒包未來，同服務員追單，先print單出來，掟在枱上，說冇入機，轉身就走。(乜料?)2. 追完要服務員入返單，又是冇print新單出來，為免又話冇入單，叫另一個服務員过來, 她一埋來: (粗聲叫)乜事呀？3.炸竽角有怪味，只說cancel了。一句唔好意思都冇。4. 最後叫服務員埋單，又等了10分鐘。。問經理，他才print賬單出來。同他說10分鐘前已叫埋單，他只尷尬說可能同事忘記咗。其實，老闆是否得罪咗廚師同伙記呢？同埋有冇heart, 顧客係知架。

親友來港和我們聚一聚,平日夜晚來了這裡吃晚飯,雖說那天好像滿座但來到兩邊廳也未滿🤷‍♀️之前訂了安排了海景位置給我們。揀了2套8人餐,上菜勁快,滿桌也未吃完仍繼續上,要叫先停一停（這個酒樓可以留意下客人吃飯速度再上菜）套餐有雞,鴨,海鮮,湯,飯,菜,甜品,額外加了豆腐,食物質素味道尚算可以,其實和親友團聚聊天才是重點