港滙軒

今晚放工約了朋友在尖沙咀食晚飯,  預祝中秋, 特別揀了一間近地鐵站的酒家. 港滙軒, 酒家門面闊,  裝潢亮麗.  裝潢甚有氣派, 燈飾設計靚,  面積大,  樓底高,重有 270 度維港海景, 食飯看美景, 賞心樂事.大廳設有四人圓枱, 亦有十多人的大圓枱, 氣氛好好.廳堂高雅大方,  適合朋友, 家庭飯局聚會, 喜宴聯歡. 部長送來餐牌, 大家看看, 有魚翅, 鮑魚, 燒味, 海鮮, 小菜, 選擇無難度.   晚飯有散叫, 亦都有套餐, 豐儉由人.招呼親切, 先開茶及送上花生小食, 我們點了鐵觀音茶, 水滾茶香.今日有晚飯呈獻:  御廚組合 $488, 有龍蝦半隻, 燒鵝或潮式滷水鵝, 好岩食啊.先送上  金銀蒜開邊蒸本龍蝦, 一隻, 每位半隻. 龍蝦新鮮,  厚肉香甜,   龍蝦肉質爽口彈牙, 蒜香好味.  真不錯.潮式滷水鵝,  伴有 滷水豆腐.  滷水鵝色澤鮮明,  肥瘦適中, 油潤軟滑. 用上正宗潮式古法鹵水汁烹煮, 鵝肉好入味, 肉質油脂感都豐富, 嫩滑可口.  鹵水香料咸度適中, 調味好好.鵝肉去骨好入味.  又稔又好食.碟底有鹵豆腐, 同樣鹵得入味, 又滑又有豆香.  清蒸東升斑一條,   熱騰騰上, 好鮮呀. 時間蒸得岩岩好,  魚肉嫩滑有彈性.  肉質鮮美, 充滿魚味但又不會腥,  配以豉油熟油綻的蔥花, 更香, 更美味.絲苗白飯, 用上鍋仔蒸飯,  粒粒分明, 更有飯香, 伴上東升斑一起吃, 好滋味.餐後送甜品,  蓮子紅豆沙, 每人一碗.  紅豆味香濃,  不太甜, 好滿意.酒家環境舒適,  食物價錢公道,  烹調很好!    店員服務態度認真, 值得再來.…查看更多

酒樓在國際廣場高層，坐擁270°維港海景，尤其是華燈初上的傍晚，中環的燈色特別熣燦奪目。酒樓裝修高雅華麗，枱與枱的空間闊落，坐位舒適。茗茶用慢火保溫，相當貼心。很多酒樓都有特惠晚餐菜式，這裏也不例外，我便點了超值龍蝦。「金銀蒜蒸開邊本灣龍蝦」本地開邊龍蝦，勝在夠新鮮，肉質特別幼嫩，口感極佳，啖啖鮮味，加上蒜蓉調味，色香味俱全。「港滙燒鵝皇」雖然是例牌，但份量不少，厚肉大件，外皮烤得脆卜卜，肉質鮮嫩多汁，讓人有驚喜，是必食之選。「鮮菠蘿咕嚕肉」選用梅頭豬肉，肥瘦適中。炸粉很薄，新鮮即炸，非常脆口，配上新鮮菠蘿及酸甜芡汁，是道開胃菜式。「鍋仔絲苗白飯」絲苗白飯用瓦鍋蒸好，飯粒分明爽口，有煲仔飯口感。這裏的食材優質，製作認真，再加上環境高雅，服務體貼，是享用高級粵菜的好地方。…查看更多

家人安排的晚飯，對著迷人的維多利亞海景，品嚐著精緻菜餚，人生一樂也！晚市呈獻二選一$38（位）金銀蒜開邊蒸本灣龍蝦~鮮甜爽彈的龍蝦用上金銀蒜與甘香豉油，是完美的組合。鮮菠蘿咕嚕肉~入口酥脆的咕嚕肉，掛起適度的甜酸汁，可見大廚滿分的廚藝，很讚！黃金魚皮蝦球~魚皮香脆，蝦球外脆肉嫩，兩者都匀均地披上黃金金沙，不單美味可口，色澤也亮麗極了！鮮菌海參炆伊麵~味道很鮮美的炆伊麵，炆得入味又不糊口，配搭滋陰養顏的海參和鮮菌，令平凡中的伊麵顯得不平凡。八味豆腐~雖然我的味蕾吃不出八種味道，但吃到嫩滑豆腐和鹹香酥脆的豆腐表層。腐竹糖水~清甜又滋養潤肺，口感綿密順滑，十分可口，免費奉客。…查看更多

今日搵左間可以睇到靚維港景既酒樓飲茶，午市爆哂場好彩搵到位，食物質素都好唔錯香芝叉燒酥 👍🏻做緊每日不同特價優惠，1蚊1件，好鬆脆，叉燒粒都好正翡翠蝦乾粉絲煲 👍🏻清清地叫左個粉絲煲 好香蝦乾味，粉絲夠彈牙羊肚菌浸鮮竹卷 👍🏻鮮竹卷有咬口，個湯都好出色芝麻煎堆 👍🏻煎堆新鮮炸起熱辣辣，芝麻醬香甜，個皮夠煙韌香煎水晶韮菜裸 👍🏻韮菜粉量多，有蝦米同冬菇，又香又脆叉燒拼燒腩仔飯👍🏻燒味飯都唔錯，個燒腩仔既皮超脆…查看更多

呢日約左朋友黎呢度食飯，比較少2個人黎食酒樓，不過尖沙咀方便，呢度又可以望住維港食飯，而且呢度佈置都好靚，所以就黎左黎呢度食。 呢度茶係有用火熱住，咁就唔怕凍，茶要夠熱先好飲。 餐廳搞緊大閘蟹放題，但朋友唔食蟹，所以我地就叫小菜。 大排檔椒鹽花姿片平常多數吃椒鹽鮮魷（魷魚鬚），呢度係花姿片，所以都好想試下。外層炸得金黃酥脆，內裡肉質鮮嫩，椒鹽鹹味調較得啱啱好。 蒜蓉粉絲蒸扇貝2隻起，咁我地2個人，所以一人叫左一隻黎試下。扇貝大大隻，很新鮮，加入蒜蓉和粉絲更香口，粉絲軟硬度適中，每一啖都充滿了香濃的蒜香味，粉絲亦吸收了扇貝的鮮味。 勝瓜蝦乾浸魚肚湯底很清甜，沒太多胡椒味更加喜歡，有蝦乾令整體味道更加鮮甜，魚肚爽口，吸收湯汁更加美味。勝瓜份量都多，保留了清脆口感。亦加入很多木耳，很爽口。…查看更多