萬發海鮮菜館

營業中

休息中

早幾日同一班朋友食飯，有人提出去深水步萬發，坐得落咁多人又方便交通，算係各人一個中間㸃，決定比多次機會佢，事關食過幾次，水準差咗，可能因為次次都係紅日，六、日嗰啲日子去嘅關係，餸菜好多都係預先整定或者急趕，所以今次閒日去再試一次，一行人十三個，安排咗去對面2樓坐，係第一次坐2樓，而且都有店員服待，唔會叫好耐都唔得閒應你，我地主力海鮮，海班，大隻瀨尿蝦丶聖子扇貝同🦐都蒜蓉蒸，雪裏紅石頭芥蘭、沙拉骨丶西蘭花魷魚丶黃金豆腐同薯仔牛柳粒。除咗個石頭芥蘭外，其他菜式全部2～3份咁上，味道不錯，沒有過咸，夠鮮夠鑊氣，瀨尿蝦好大隻，用椒鹽上都唔嘥，一定識食，薯仔牛柳粒係招牌菜，味道不過咸，比例適中，唔會得幾舊牛柳，條魚蒸得剛剛好，夠滑，海鮮類大多用蒜蓉蒸，夠鮮又好味，無過熟情況，大至上滿意，印証咗閒日食會好D呢個事實，但其實咁樣食都幾貴，差不多＄5800，呢個價錢，貴過去西貢，除非必要，否則不作選擇