滿福庭

營業中

休息中

觀塘鱷魚恤中心有好多間酒樓，今日去咗呢一間食。星期六、日全日點心價錢都一樣，酒樓幾夠大，而且好光猛。有好多唔同嘅點心選擇，仲有午市套餐、炒粉麵、燒味、小食等等。點心落完單好快就到。叫咗五色點心，有燒賣、菜餃、粉果、糯米卷及紅棗糕各一件。啱晒樣樣想試少少。另外叫咗鮮蝦腐皮卷，切成六件。外皮香脆唔會油膩。入邊有蝦、西芹、韭黃等等。安格斯牛肉腸粉夠多牛肉，牛味幾香，腸粉都幾滑。另外金錢肚夠入味我哋叫咗及第粥一碗。嚟到一鍋咁多，真係好抵食！有豬腸、豬肉丸、豬膶等等，仲有埋炸脆脆俾你。假日嚟嘆茶真係幾好。