吞POT 雞煲火鍋.住家菜 (譽發廣場) (已結業)

平時都好鐘意食雞煲，見呢間位於油麻地既雞煲餐廳評語唔錯決定來試試他們的招牌菜香辣雞煲，雞煲可選辣度，辣度適中，比起辣，味道更多係香! 雞肉非常嫩滑，搭配著辣椒和各種香料，口感十分豐富，唔食雞煲佢都有好多款湯底揀。見隔離枱叫左封門柳好似幾新鮮，打邊爐又點可以唔食牛呢! 封門柳切既厚度剛剛好，牛味香濃，一口一幸福。之後點了一些其他小菜，包括珊瑚蚌、魚皮、薯粉。珊瑚蚌份量多新鮮彈牙，魚皮夠脆又香口可口，薯粉是必點之選，加左湯吸左啲湯汁好惹味。