Chill Vietnam Cuisine and Bar

營業中

休息中

之前有一日放工，同另一半就選擇咗呢一間喺D2 Place嘅越南餐廳去食午餐。服務態度唔錯，不過坐得有d迫，尤其係我坐喺走廊位，成日俾人撞到。我哋兩個人由於高估咗自己嘅胃口，最後叫咗三樣嘢，包括鵝肝米子卷、蝦膏炒河粉同埋串燒。鵝肝米子卷好特別，我冇喺其他餐廳見過呢個款式，味道都算唔錯。至於個蝦膏炒河粉就非常香同埋味道好濃郁，可惜略嫌太多油同埋真係太飽肚。最後個串燒我哋叫咗一半雞一半豬，味道中規中矩。基本上食完之後係飽到行唔郁。埋單$400都唔使，都幾抵。