醉潮館

營業中

休息中

一家人食飯通常都會揀食中菜，因為款式比較多，而且口味大眾化，適合一家大細。我哋叫咗呢度潮州嘅小米餃，都好得意，個皮有啲似粉果，皮比較厚身，入面就有少少豬肉咁，食落幾得意，味道都唔錯。另外叫咗蜜桃咕嚕肉，咕嚕肉一舊舊一小塊，比較容易入口，而且新鮮炸起，好香脆，個醬汁唔會太酸。火焰醉花螺，都好耐冇食，其實我幾鍾意食，呢度嘅螺比較細粒，但係辣辣地好惹味。叫咗個炒芥蘭，味道唔錯。最覺得好值得推介嘅係牙籤雞，因為佢咋到卜卜脆，面上一粒粒咁，咬落好有口感，雞肉又夠嫩滑，而且一件件串起，非常之方便，好香脆可口。