水記

營業中

休息中

朋友說這裡牛雜好食，但係開檔時間非常短，一直冇機會來食，今日終於專程過嚟食。老實講，環境非常之差，比起其他大排檔都差，一邊食都唔敢周圍望，免得睇到唔想睇到嘅嘢，又一邊諗佢哋準備都係响呢度做，衞生環境真係不敢想像。講完環境，講食物，叫咗個沙瓜河，味道算不錯，但亦唔係我食過最好食嘅，但味精超勁，未行到皇后大道中已經口乾，好口渴，行到電車路，覺得心跳，我平時都食得下味精都未試過咁大反應。價錢方面，近六十蚊一碗大排檔河粉，有人覺得平，有人覺得貴，我覺得性價比唔高。服務態度，成家大细十幾人企晒係度，但係都冇乜人睬你，可能個個都係老闆，唔洗招呼啲客。總結：無下次。