影片
更多
2024-07-15
154 瀏覽
2人/4人聚餐又一高質推介「唐坊火鍋私房菜」由油麻地A2出口，步行2-3分鐘，就到譽發廣場。位於23樓高層全店180度落地玻璃，論環境已係非一般的高質私房菜火鍋店，旺角街景高層遠眺維港夜色，型格裝修加燈泡掛飾臥餐合照打卡的壓一流。師傅除左可以為訂座客人度身設計菜單之外，堅持每日到街市買游水海鮮，預訂新鮮食材，絕不用雪藏隔夜貨。而湯底以養生口味為主，嚴選新鮮火鍋配料及日式刺身作招徠。如此高質水準絕對適合家庭、一大班朋友一齊聚餐。🍽4人套餐 $1588叫餐前提提大家有勁抵的必點追加項目!其中極高CP有+$100一碟手切特級牛(大)原價$308 同埋必食的一款! +$60邪惡響鈴(大)原價$78另有無限追加$50一碟手切特級牛(細)原價$248鍋底有好多款6款中選左岩哂夏天清熱的🍲「煲冬瓜瑤柱美腿鍋」，其他還有唐泰北蝦冬陰公湯鍋/極濃蝦鍋/ 酸菜三文魚骨腩鍋/ 3.6牛乳豬骨鍋/蕃茄薯仔牛牛鍋，每款都好吸引! 湯底到就即刻開餐!店員建議先飲冬瓜湯，4個人飲飲下差唔多清哂湯底，唔緊要~ 因為佢地會再加返原湯打邊爐，幾有誠意。刺身魚一條]🐟是日係原條擺盤超有誠意的火炙真鯛刺身!真鯛表面經微微火炙
2人/4人聚餐又一高質推介「唐坊火鍋私房菜」
由油麻地A2出口，步行2-3分鐘，就到譽發廣場。
位於23樓高層全店180度落地玻璃，論環境已係非一般的高質私房菜火鍋店，
旺角街景高層遠眺維港夜色，型格裝修加燈泡掛飾臥餐合照打卡的壓一流。
師傅除左可以為訂座客人度身設計菜單之外，
堅持每日到街市買游水海鮮，預訂新鮮食材，絕不用雪藏隔夜貨。
而湯底以養生口味為主，嚴選新鮮火鍋配料及日式刺身作招徠。
如此高質水準絕對適合家庭、一大班朋友一齊聚餐。
🍽4人套餐 $1588
叫餐前提提大家有勁抵的必點追加項目!
其中極高CP有+$100一碟手切特級牛(大)原價$308
同埋必食的一款! +$60邪惡響鈴(大)原價$78
另有無限追加$50一碟手切特級牛(細)原價$248
鍋底有好多款6款中選左岩哂夏天清熱的
🍲「煲冬瓜瑤柱美腿鍋」，
其他還有唐泰北蝦冬陰公湯鍋/極濃蝦鍋/ 酸菜三文魚骨腩鍋/ 3.6牛乳豬骨鍋/蕃茄薯仔牛牛鍋，
每款都好吸引! 湯底到就即刻開餐!
店員建議先飲冬瓜湯，4個人飲飲下差唔多清哂湯底，
唔緊要~ 因為佢地會再加返原湯打邊爐，幾有誠意。
[時日刺身魚一條]🐟
是日係原條擺盤超有誠意的火炙真鯛刺身!
真鯛表面經微微火炙處理，魚皮燒香的油脂味變得更突出，
魚肉新鮮有彈性，片片薄切份外鮮美。
跟住要食的就係超期待的! [邪惡響鈴(大)]🫔
皇牌小食必食推介無疑! 濃濃黃金蛋黃醬沾上超大卷香脆響鈴，
再加香草伴色非常搶眼! 根本上唔駛等湯滾起已經比我地4個食哂~
[4人海鮮盤]🐟🦐🐚
鮮甜好味有齊新鮮大蝦、活鮑魚、扇貝、北寄貝及白鱔片五款，
大蝦肉質彈牙、北寄貝大隻厚身又肥美，鮮甜有驚喜。
款款新鮮，原來係大廚每日新鮮到街市搜羅活海鮮做食材，
難怪鮑魚在影相打卡之後仍然活潑咁跳動!
🥩手切特級牛(大)/橡果豬(大)🥩
套餐建議選橡果豬(大)，原因係優惠價可以叫大碟的手切牛!
咁就可以豬牛雙肉齊下，豐富左整個套餐。
橡果豬油花均勻肉質嫩滑，落湯涮數下已經食得!
手切特級牛就必點! 足足平左二百蚊!
油花紋理十分理想，入口軟綿值得推介!
韮菜餃併蟹肉餃🥟
自家製雙併餃作為私房菜其中不可缺少的一款絕對合格，皮薄餡靚。
三寶丸🍘
四人平均分三款新鮮手打丸，食到唔同手打丸嘅新鮮爽口，
奈何鮮牛丸只能分兩粒，如果能夠平分每人食到一款就更好了。
🥗田園雜菜籃、手打烏冬 & 公仔麵🍜
湯底最濃最鮮的時候落手打烏冬 & 公仔麵吸收哂精華無得彈。
手打烏冬彈牙，公仔麵特別飽肚。
四杯無酒精飲品 (有可樂/ 無糖可樂/ 忌廉/ 椰子水/ 低糖果汁幾款選擇)
最後甜品係椰汁燉雪燕，微甜入口清涼滋潤。
🔖整體性價十分高，以人均$437消費交通方便，用餐環境空間感又唔錯，
食材又保證新鮮，前菜醬油$15/位，好適合生日慶祝合照打卡。
張貼
