紅葉茶屋 (D2 Place TWO)

營業中

休息中

我哋全家一向都鍾意食日本嘢，我哋最鍾意嘅就去D2 place嘅紅葉茶屋。因為餐廳環境舒適，一啲都唔覺得逼，樓底又夠高，而且有卡位坐，相當舒服。最重要嘅係餐廳食物價錢合理，而且份量十足🍱🐟藍鰭吞拿魚&三文魚刺身茶漬飯茶漬飯可以揀鰹魚昆布湯或者香濃蝦湯。今餐想食清啲，所以揀咗鰹魚湯。茶漬飯分兩種食法，可以先一般刺身飯咁食又或者將熱辣辣嘅湯加入刺身同飯一齊食❤️ 藍鰭吞拿魚同三文魚刺身非常鮮甜，加埋暖笠笠嘅湯幸福爆燈🥰🐷吉列豬扒定食豬扒炸得啱啱好，外脆內嫩，肉質juicy多汁，配上濃郁日式醬汁同高麗菜絲，佐飯一流❤️ 🐮牛肉壽喜醬汁烏冬牛肉肉質嫩滑，壽喜醬汁味道濃郁，烏冬彈牙，口感十足。呢個湯烏冬份量一啲都唔少，壽喜醬汁嘅香甜配搭烏冬特別口味🍤海鮮炸物盛合（蝦/廣島蠔）廣島蠔非常鮮味，蝦肉夠嫩滑，炸物炸得酥脆，點埋醬食味道一流🥩炸牛肉薯餅牛肉薯餅送嚟嘅時候熱辣辣，口感超級酥脆，滿滿嘅牛肉薯仔味，內層綿密軟滑。甜品方面，我哋就嗌咗煙煙韌韌嘅黑糖原味蕨餅&抹茶蕨餅同非常雜莓芭菲🍧芭菲杯相當精緻，牛乳雪糕香滑，加埋士多啤梨醬味道香甜🍓鍾意食芭菲杯係因為杯內仲有士多啤利同藍莓果肉，雪糕同蛋糕再加脆脆同寒