鼎尚燒鵝湯館

營業中

休息中

咁多燒味之中，最鍾意就係食燒鵝。鍾意其外皮香脆，肉質綿軟嘅味道，配上酸梅醬就一流啦！講起燒鵝，當然要試下燒鵝之中嘅名牌：荔枝柴燒鵝。今次一試果然係確係唔錯，燒鵝呢有種柴嘅清香味，外脆內軟，又唔會乾身。帶有肉汁。送飯一流。白飯都整得幾好，粒粒分明，爆滿。當然燉湯都要試埋啦，我就揀咗西洋菜陳腎無花果湯。飲落清甜又不失香濃，感覺好清潤，飲得出真材實料。發覺燒味嘅鹹味香口同燉湯嘅鮮味清潤確係幾夾。價錢稍為貴咗啲，但味道係唔錯。偶爾食一次都接受到。山頂店嘅風景好靚，天氣無咁熱嘅話，揀坐戶外位都幾好打卡！