UG Elements 有機農場.餐廳.市場

營業中

休息中

昨日係新蒲崗做到11點幾，未食飯見到有間餐廳做到兩點，就走入去試下。一入到去坐低見間餐廳標榜有機，個心都離一離，因為認識的有機餐廳都係食菜多，冇乜味。坐低左就辜且一試，打開個餐牌，原來同想像中好唔同，仲有川菜食添。辣辣地岩哂個天氣。因為好肚餓，叫左個魚鍋同口水雞，仲有啲涼拌。經理話魚同雞都係佢地個農場度養，食落真係同出面的好大分別。叫左過麻辣魚鍋，好大盤。條魚炸過再做魚鍋，啲肉冇咁散，辣辣地口水雞都好正，佢地話係冇激素走地雞。一試真係與別不同，肉質好有口感，食埋雞皮都唔會肥，香港少有的雞原來有機都可以咁惹味，可以再黎試其他小菜。