影片
更多
2018-12-23
2555 瀏覽
為慶祝老婆啱啱完咗一個學期，辛苦捱埋個試，一於帶佢食餐好嘅，更順便慶祝埋聖誕，不過，佢一向鍾意食得精大過於量，度吓度吓，就不如一齊去嘆番次「高茶」。睇到有食友推介「堤岸」嘅新下午茶，「堤岸」我未光顧過，但睇完人家嘅食評，就覺得好吸引。餐廳位於酒店海景翼嗰邊，所以，對海一排窗邊位喺揀手位，訂位記得要預留窗邊位。而環境寬敞闊落，氣氛幽靜，兩公婆嚟到嘆下午茶真喺好寫意。唯可惜今日天氣麻麻，外面一片灰濛濛，跟黃昏日落景緻緣慳一面。原來，今次嘅下午茶主題「縱情櫻花 ‧ 寵愛甜杏 ‧ 醉愛下午茶」喺美髮天然品牌「Aveda」聯乘，所以，客人獲贈櫻花甜杏輕柔系列體驗套裝乙份，不過就數量有限，送完即止。對於啲護髮嘢小弟只喺識條鐵，但一講老婆就話喺國際知名品牌，所以，帶啱人嚟嘆呢個下午茶都喺重要。整份套餐，包括4鹹8甜做得精緻嘅美食，並奉送Aveda舒緩茶或粉紅氣泡酒，非常豐富。資訊性一提，下午茶收費為$468/2位（需加一，但HSBC信用卡又有番9折），做到一月尾左右，但只限星期六、日及公眾假期（3:00pm-5:30pm）供應。目測所見，同場嘅客人絕大部分都喺嚟嘆一嘆呢份「高茶」，等無耐，我哋嗰份都
餐廳位於酒店海景翼嗰邊，所以，對海一排窗邊位喺揀手位，訂位記得要預留窗邊位。而環境寬敞闊落，氣氛幽靜，兩公婆嚟到嘆下午茶真喺好寫意。唯可惜今日天氣麻麻，外面一片灰濛濛，跟黃昏日落景緻緣慳一面。
原來，今次嘅下午茶主題「縱情櫻花 ‧ 寵愛甜杏 ‧ 醉愛下午茶」喺美髮天然品牌「Aveda」聯乘，所以，客人獲贈櫻花甜杏輕柔系列體驗套裝乙份，不過就數量有限，送完即止。對於啲護髮嘢小弟只喺識條鐵，但一講老婆就話喺國際知名品牌，所以，帶啱人嚟嘆呢個下午茶都喺重要。
整份套餐，包括4鹹8甜做得精緻嘅美食，並奉送Aveda舒緩茶或粉紅氣泡酒，非常豐富。資訊性一提，下午茶收費為$468/2位（需加一，但HSBC信用卡又有番9折），做到一月尾左右，但只限星期六、日及公眾假期（3:00pm-5:30pm）供應。
目測所見，同場嘅客人絕大部分都喺嚟嘆一嘆呢份「高茶」，等無耐，我哋嗰份都「紅粉」登場，一眼睇落就知喺以粉紅為主色調，以配合櫻花嘅主題。而且，利用一啲小道具，擺放得非常之靚女（平常會用靚仔嚟形容），每樣都做得的骰，更以糖霜灑出「Pierside」及「Aveda」字樣以示兩者聯乘。
「縱情櫻花 ‧ 寵愛甜杏 ‧ 醉愛下午茶」
$468
52 瀏覽
1 讚好
0 留言
先嚟一壺Aveda舒緩茶，花茶就啱我老婆啦，侍應並介紹呢隻茶唔單止有機，仲不含咖啡因，多飲都絕對唔會瞓唔到。入口涼涼哋，又似喺有啲甘草味，飲落確喺有種舒緩感，感覺又幾舒服，甚具寧神安舒作用。
粉紅氣泡酒深紅卻晶瑩嘅氣泡酒，放上兩粒野莓，外觀雅致迷人。入口酒精度低，微微嘅冰涼感，襯啲鹹點，效果出奇地好。
既然無乜心水次序嚟食，我哋就一於跟番個餐牌次序，先介紹4款鹹點。
皇帝蟹肉魔鬼蛋唔知點解叫佢魔鬼蛋，染咗少少粉紅，外觀不知幾可愛，而蛋內塞滿皇帝蟹肉，鮮味到嘩嘩聲，以酸忌廉作調和，味道襯晒，喺一道好有驚喜嘅鹹點小食。
皇帝蟹肉魔鬼蛋
18 瀏覽
0 讚好
0 留言
老虎蝦、牛油果醬、法式多士小小一件百吉包用到虎蝦，自然升價咗，其實呢件鹹點都好簡單，塗上柔滑嘅牛油果醬，再鋪上虎蝦而已，但好食在料靚，蝦肉好爽，有蝦鮮味，驚喜位喺仲加咗少少芒果蓉。
雞肉、蜜糖芥末三文治、香脆杏仁唔睇餐牌真喺唔知呢件喺乜，因為被薄薄嘅青瓜片包住，試4面又灑滿香脆嘅杏仁片。其實叉起一睇，就見裡面薄麵包捲住工整嘅雞肉條，襯以蜜糖芥末醬，清爽中滲出香甜味，有趣。
迷你西班牙奄列、帕爾瑪火腿、櫻桃油醋汁西班牙奄列近年食唔少，咁迷你就第一次見，亦喺首次試，入口既有蛋香，又嫩滑，但櫻桃油醋汁唔喺太明確，不過，單喺配上鹹香嘅帕爾瑪火腿已經夠照。
迷你西班牙奄列、帕爾瑪火腿、櫻桃油醋汁
17 瀏覽
0 讚好
0 留言
跟住就再介紹8款甜點，甜點都好多元代，有熱香餅、奶凍、甜甜圈、馬卡龍……等等。
紅菜頭熱香餅、燴士多啤梨醬、蜜糖乳酪橫睇掂睇，都唔喺好覺有紅菜頭元素，一來個餅又唔喺帶有任何紅色，二來切開裡面亦無紅菜頭嘅蹤影。相反，啲士多啤梨醬同蜜糖乳酪就好正，前者士多啤梨嘅酸香好鮮活，後者則清甜中滲出醒胃嘅微酸，只恨得兩小件熱香餅。
櫻花意式奶凍做成小杯裝嘅奶凍，一身粉紅，入口挺身而軟滑，帶有濃郁嘅奶香，猶如少女肌膚；面層仲有一小球晶瑩嘅櫻花水信玄餅，如再放下一片櫻花花瓣，美到絕點喇。
櫻桃紅桑子朱古力睇嚟感覺似喺平平無奇，實質喺食質素，先講個撻殼，又脆又有濃郁可可香，而中間喺櫻桃紅桑子做嘅軟漿，絲滑細緻，甜與酸都好平衡。
櫻桃紅桑子朱古力
14 瀏覽
0 讚好
0 留言
粉紅佳人其實即喺紅石榴芝士蛋糕，由粉到白漸變嘅身軀，加上餅面櫻花造型嘅果凍，真喺可以以嬌俏可人嚟形容。入口有芝士香卻唔太重，感覺輕盈。
粉紅佳人
27 瀏覽
0 讚好
0 留言
迷你甜甜圈、士多啤梨朱古力、迷迭香一般而言，美式嘅冬甩、法式嘅馬卡龍及歌劇院都喺偏甜之物，安排到最後先食喺正確嘅鋪排。不過，呢個甜甜圈，就無一味死甜，咬落有韌勁，夠個性，灑吓幾粒迷迭香香草，有種喚醒味蕾嘅功效。
紅桑子開心果馬卡龍馬卡龍好多人嫌佢太甜而唔喜歡，小弟就好鍾意食，因為嗰份外脆而煙韌嘅口感確喺好特別，除表面沾上少許開心果仁碎，咬入去先知仲有一層紅桑子果蓉凍，酸香立時跟甜度拉勻，喺好有水準嘅馬卡龍。
紅桑子開心果馬卡龍
14 瀏覽
0 讚好
0 留言
迷你櫻桃歌劇蛋糕歌劇院蛋糕可以講喺法式甜點中嘅經典之一，而且，層次多，工序繁複，不過，眼前嘅「歌劇院」就未算多層，但味道卻喺做得唔錯，濃濃嘅朱古力跟醇香嘅咖啡互相交融，甜度亦相應減低咗，實在唔錯。
牛油杏仁曲奇初時睇餐牌時話有杏仁曲奇，一直睇晌邊度有，因為早被自已框架框住，諗住啲曲奇一小件咁，其實就喺整份下午茶中間嘅大曲奇。都睇咗好耐，唔知啲朱古力線代表喺乜，後來先知原來喺劃成一把髮梳，以配合Aveda呢個美髮品牌。但講到件曲奇，意外地咁脆口，而且，混有好多杏仁碎，如果有杯咖啡就襯到絕。
牛油杏仁曲奇
13 瀏覽
0 讚好
0 留言
其實，甚至連墊底嘅薄片都喺搵朱古力製作，堅可以食得架。
雖然，今日嘅天氣麻麻，灰濛濛未能睇到日落，不過，因為天氣都唔太凍，走到出中港城嘅平台睇睇海景，遠眺吓戲曲中心及西九龍站（高鐵），感覺不錯呀！
張貼
