Maison Du Mezze

朋友友介紹左間東涌一間隱世主打中東黎巴嫩美食嘅餐廳，試咗幾款特色海鮮菜式，有小小驚喜。首先係Seafood Kibbeh。呢道菜由新鮮嘅海鮮配上香料製成，外層酥脆，內裡有豐富餡料。加上香料味道獨特，帶有濃郁嘅中東風味，咬落每一啖都充滿驚喜。其次試咗Seafood Scampi，呢道菜有唔同海鮮，好似蜆肉、青口、蝦等，配上香草牛油醬汁，味道非常濃郁。醬汁滲透到每樣海鮮，每一口都充滿香氣。呢道菜既有黎巴嫩風味，又帶有地中海嘅清新感，真係一絕。Sea Bass係呢一個晚餐最大亮點。鱸魚煎得外皮香脆，內裡魚肉嫩滑。配上特製嘅香草檸檬醬汁，酸酸甜甜嘅味道令整道菜更加醒胃。魚肉同醬汁嘅完美結合，令人一試難忘。最後上菜嘅係Clams Pot，呢道菜用新鮮嘅蜆煮成，蜆夠晒新鮮，食落無沙，每一啖蜆肉好鮮甜，而個芡汁係由牛油檸檬整成，將個Pita bread蘸埋芡汁食，好好味。呢間中東黎巴嫩餐廳嘅海鮮菜式非常出色，每一道菜都充滿驚喜同特色，絕對值得一試